Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
أنا تلميذ
Imen Riahi - إيمان الرياحيسألوا عليا قالولي شكونك ’؟
قلتلهم تلميذ
استهزئوا بيا و ضحكوا عليا بالفم المليان
قالولي ايه و امبعد تلميذ بالك عندك جاه و سلطان؟
بالك في المعهد متاعك عايش ولد بي في دلال ؟
بالك تعليمك عال العال ؟
أقرى أقرى يا تلميذ مصيرك تقعد بطال
اسكت اسكت يا تلميذ ولى عندك عقل و لسان باش تعرف الكلام ؟
تحكي في حكاية حولة راك هاربة بيك فرس عورة
ياتلميذ آش لونك بربي قلنا شكونك ؟
... قلتلهم تلميذ أنا تلميذ و احلامي كبيرة
لمتني أنا و التلاميذ فكرة جميلة على خاطرها بدينا
تلميذ و جوانحي طويلة
تلميذ نحب نطير نغني علي قاعد يصير
نحب نقرى نتعلم و نحرر فلسطين
نحب نحكي نحارب اناقش ضد الافكار الارهابية و التخلف و الرجعية
تلميذ اعطيني حقي وفك عليا
نحب نركب على حصان ندافع على حقوق الانسان
نقز من طيارة لدنيا الواقع مش الاحلام
علاش كي نقول هكا تضحكوا عليا ؟
علاش مالصغرة عايشين في كبت و تقولي حرية ويني الحرية ؟
هاتولي الحرية
و لا حاجتي لا بمال و لا دلال و لانكون ولد جاه و سلطان
تلميذ و نكره مين يستهزا بيا
تلميذ فديت مالخوف الي زرعتوه فيا
تلميذ نحب نلقى شكون يمططلي جوانحي
يخليني نستكشف عالمي يقدر المشاعر الي فيا
تلميذ من حقي نصيح نعبر نعيش تلميذ و ماتسكتنيش
علاش
علاش على خاطر في العمر صغير تحقرني ؟
علاش باش نوصل صوتي في أحزابك تستغلني ؟
تلميذ و نحلم نلم التلامذة الكل لمة جميلة
من الجنوب للشمال
من بنزرت لبن قٌردان
نحققوا حلمة على خاطرها والله ليالي العينين ماتنام
نحلم يا بلادي التلميذ فيك يعيش بقدروا
نحلم يا بلادي حال المعاهد يتصلح
نحلم ننساو مشاكل البارح
نحلم يد في يد نبنيو مستقبل جديد
نحلم التلميذ يعمل لتونس حاجة تفيد
أنا تلميذ ما تسكتنيش ما تحقرنيش اسمعني ماتلفنيش
أنا تونسي أنا قدري عالي
أنا تلميذ صوتي لازم يكون مسموع
تلميذ يزي ماعشت مقموع تلميذ و هازز بين يديا
#مواطنة #ثقافة #تعليم ،
حلم كبير حلم ما يصعب على عظيم
أنا تلميذ صوتي لازم يكون مسموعتلميذ يزي ماعشت مقموع تلميذ و هازز بين يديا#مواطنة #ثقافة #تعليم ،حلم كبير حلم ما يصعب على عظيم
بقلم إيمان الرياحي
Website Design Brisbane
Tags: