Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
Bipolar
Imen Riahi - إيمان الرياحي
غنجة في ظلام
تصويرة بلا كلام
غرة ضحاكة
و اليد ...
بلا صنعة
هجة...
مالضيق تبقى حلمة
و المحبة ...
خرافة مجرد كلمة
دودة تنخر في المخ
شنيول يفتفت بلا حس
و الفرحة...
مسروقة سرقة
يدور الزمان و يبقى ...
القلق !
أرق من عرس الحومة
زمامر و تزغريط
طريق ظلام ..
وحدة...
مكتوبة في كتاب
كتاب تحط في جواب
تزفر فيه الريح
سحاب ينفخ و يصيح
مصاب القمرة تطيح
و تسيل مطر
تحت القطرة تتبل..
هي...
ملوحة وحدها في ثنية
هي..
الخايبة المنسية
في الانانية تعيط أنا
في الطمعة أنا
في البخل أنا
هكا قالوا...
مزيانة خرنانة و ذكية
في النكد تقول أنا..
تسكت...
تسكت عالي قالوا
و لي يقولوا..
كبي خرنانة نكدية..
بيبولار ..
كل مرة في شان
مرة زاهية و تغني
و مرة للموت تمني
صحراء و بحر
غابة و مطر
ثورة و رماد
الضحكة صفراء..
لاباس مافما شيء
لا..
فما كل شيء ..
لي ما يفهم
لي ما يعذر
لي مايقول شبيها ؟
تسمع بيها و عليها
الضحكة مصفارة
و العينين مليانة دموع
رغبة...
تخرج من جلدتها و تطير
تصيح
تسبق الريح..
حرية...
هواء و دموع و ميتال
صرخة..
تخرج و تقعد في الفم
هي...البكاية!
سكر الباب حتى تسكت
شهقة...
شهقة تجيب ..
و شهقة..!
تخلي..
ظوافر طويلة ..
على خدين حمر..
في شعر حرير..
الروح..!
تطلع و تبقى جثة .
سكر الباب حتى تسكت!
تسكت...
إيمان الرياحي
Website Design Brisbane
Tags: