Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Bébé ..في كردونا

bebes-mortsKawther Akkeri - كوثر العكاري

كي يموت الضمير..

كيف القلب يولي كي الحجره..

كيف النفس تعبد الفلوس.. الكراسي.. المظاهر..

كيف الدم يولي بارد..

كيف الانسانيه تموت..و الرجوليه تنعدم..

كيف يموتوا صغيرات بدوا فاسد..

كيف نخسروا عليهم كردونا..

كيف ربي يوهبهم الحياه و احنا نسرقهالهم..

كي ربي يكرمهم و احنا نهينوهم..

كيف نستخفوا بوجيعة والديهم..

كيف تموت فينا الرحمه..

كيف يولي الإنسان في بلادي معندوش قيمه..

كي يولي التونسي لالتونسي نقمه..

كيف نخربوا بلادنا بيدينا..

كي المريض مايلقاش دواء..

كيف الطب يولي تجاره..

و الدين يولي تجاره و إرهاب و عنف ..

و السياسه خمج..

و المحبه بيعه و شريه..

كيف نولوا نخافوا من بعضنا..نظلموا في بعضنا..

هوني تولي تونس في خطر..

تولي تونس تحزن..

و هوني يلزمنا ناقفوا..و نسالوا رواحنا وين ماشين..

و علاش عايشين..

و على شنيه ناوين..

تونس ليوم في خطر..

و المسؤوليه مش في يد الشاهد..و لا رئيس و لا اي رئيس حكومه ..

كل تونسي مسؤول..

كل واحد من موقعو..

انقذوا تونس..انقذوا بلادكم ..انقذوا رواحكم..

بلاد الناس لالناس..

و بلادنا لينا..يلزمها تكون لينا..

و يلزمنا نكونوا ليها..

معناش غيرها و عندهاش غيرنا...

كوثر العكاري

Bébé ..في كردونا
Tags:

Vous pouvez lire aussi