وتقعد وهيا خايفا وبكلمات متردةة تقول  انا راجلي ملي عرست وهوى يعنف ويضرب فيا وملي كبرو صغاري حتا هوما ولاو يتلقاو فالضرب من عندو ولاو عاشيين على اعصابهم موصلت جيت لهنا كان خاطىر ولادي  

من كلامها عرف لي هيااا هاك لمرا لي ملي هيا طفلة صغيرة تمارست عليها فكرة عالبودية  المطلقة نحكي ونقول باش نعمنع كل مرا مالقيود التقليدية وباش نحاول نحرر لمرااا نحكي وانا مصورة في بالي لي انا اسالتها وقلتلها  بتعجب وحيرة لي انا مكنتش نتصور لي مزال فما نوع من هالرجال ولا اصلا مكنتش نتصور لي مزال فما نسا تسكت على حقها وترضا تعيش في الهمجية والعنف  نسالها ونقلها علاه كان مجاوش ولادك يتلقاو فالضرب باش تسكت وتكمل تعيش مع انسان عمرو لا حبك ولا حترمك يحسبك كيفك كيف التلفزة كوليوم يتفرج فيك يحسبك وحدة من ماعون

لكوجينا معتبرك  خداما عندو اطيبلو وتنضفلو وتغسلو وفوق هذا كي متعجبوش حاجة  يمارس عليك العنف اللفضي والجسدي

تغزرلي غزرة تاع لي هيا مجبورة وتقولي  كان مجاوش ولادي فل عارضة مكنتش باش نخمم جملا فل طلاق اش باش يقولو عليا الناس بيها وعليها رجلها طلقها ولات هجالة مسكينة هيا تحكي وانا من داخل نغلي ونفور وناكل في روحي ماكلة لهدرجة كلام الناس مهم قداها ومستعدة تضحي بروحها وبكرمتها على خطر كلمة خرجت من فم انسانة متعرش حتا تكتب اسمها لهدرجة مجتمعنا قاسي عالمرا يعني لازم ديما لعيوب فل مرا موش فالراجل  

نحكي وانا مصورة روحي لي جوبتها وقلتلها يا مدام انتي انسانة كيف كيفو عندك لحق ادافع على حقك وحد ما يمنعك ملزمكش ترضى تعيش في عيشة كيما هكا لازم تحط قيمة وكرامة لروحك واطلق منو وتعيش حياتك منيش باش نقولك وتمحيه من ذاكرتك خاطر هو باش يكونلك يوم فل ايام ذكرى خاايبة علخر  اما ميعمنعش لي هوى باش يكون عنصر خاطر نجمت تكون قوية وتثبتلو لي حتا كان هوى موش موجود نتي كبىرت ولادك وخدمت لخدمة لي تمنيتها وقربت عليها عوام وعوام وهوا جا في دقيقة حرمك منها

حسيتها لي بدات تقتنع بكلامي

نحكي ومصورة في بالي لي انا وهاك لمرا ولينا ديما نتقابلو ونحكيو ونحاول نخليها تعطي ثيقة في روحها ونثبتلها لي هيا تخلفت باش تقرا وتكتب وتفرح وتربي اجيال   نحكي ومصورة في بالي  لي من مدة لمدة  ولات هاك لمرا انسانا اخرى ولات قوية وحابة اطلق في اقرب وقت  حابة تخرج مالهم الزرق والخوف وحرقان الاعصاب تعداو الايام وجا وقت لقضية جا ليوم لي هوا بالنسبة ليها يوم تحررها قعدت نستنا نحكي ومصورة في بالي لي هيا جاية تمشي بكل ثيقة في روحها لمرة هاذي هيئتها متاع مرا قوية موش كيف اول يوم جاتني فيه نحكي وانا مصورة

في بالي  لي احنا دخلنا

للقاعة وقتها بعد مجا دورها وحكات معانتها وصبرها وتحملها للعيشة لي حتا لكلاب مترضاش بيها جا دوري ودافعة عليها بكل منقدر  وعرضت كل الدلائل ولفوحصات لي تنجم تخلينا نربحو

لقضية نحكي ومصورة في بالي لي مرة على مرة نغزر لراجلها لي كان يغزرلي بغزرة كلها خقد وكره  متهوش ميعرش معنااا  الانسانية لمرا بالنسبة ليه سجينة يحبسها في اك الاربعة لحيوط هوى كان عارف لي نحنا باش نربحو لقضيا بعد مشاف التغيير المفاجئ في شخصية مرتو  اكا علاه كان مستسلم  نحكي ومصورة في بالي لي احنا ربحنا لقضية وتجي تعنقني وتقول عيشك عيشك خاطر خلتيني انسانة جديدة ونجوبها ونقولها معملت شي انا خليتك تتمتعي بحقك اللي مل مفروض خذيتيه موش منتوا

نحكي ومصورة في بالي ....

واذ بيا يقطعلي  خيالي  لعبد لي سالني قبيلا وقالي شنوا حلمك

ويقولي لهدرجة سؤال كيما هكا يخليك فرحانا وطايرة في سابع سما لهدرجة متشوقة باش تحقق حلمك

بتبسيمة نجاوبو انا لكلام على حلمي يفرحني ويهزي لدنيا اخرى خلي كي نحقوو