Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

عقدة انوثة #31

identite-sexuelle-perdueZaineb S. - زينب س


ثلاثة ايام ملي شافتو ثلاثة ايام على اخر بوسة بيناتهم.. طعمتها مازالت في شفايفها .. تسوق فالكرهبة طايرة بيها كيف قلبها الطاير و مش عارفة وين هزها كابسة بيدها عالفولون بش اتقلعو مش عارفة وين تمشي ولا لشكون بش تحكي  .. و شنوة بش تحكي ..

حبيت الراجل اللي ماشية ننتقم منو .. ننتقم منو على حاجة متخصنيش..تستاهل مريم تستاهل ...عدات نهار كامل ادور بالكرهبة عين على ثنية و عين عالتلفون ..عندها امل يضعف و يكلمها ..يقلها اي حاجة انشالله حتى خايبة المهم تسمع صوتو.. حاجة غريبة الحب ..كيفاش انسان قادر يدخل لحياتك و يبدلها ..كيفاش تولي مش قادر تعيش من غيرو..كيفاش صوتو ريحتو حضورو يكونلو تأثير المورفين عالبدن تبعية كاملة ليه ..الدنيا الكل ما تسواش غزرة من عينيه ...

شدت ثنية الحمامات دخلت لأول بار عرضها  شربت شربت لين قالت يزي..حبت تنساه تنحيه من بالها .. هي مريم اللي هربت من فرنسا خاطر حبت راجل مش من دينها و ملتها .. هربت لتونس في بالها بش تلقى الامان اللي فقدتو ..هربت بش اطيح مرة اخرى في حب راجل مش متاعها و مش من حقها ..المرة هذي السبب هو ماضيه ..أنانيتو و لعبو بمشاعر ناس كان كل ذنبهم انهم حبوه..لازم ترجع منين جات ..ترجع لدنيتها و ناسها.. لازم تبعد و تهرب ..الليل طاح و العينين كثرت عليها مرا في زينها قاعدة وحدها في بار و تشرب أكيد بش تجلب الانتباه .. حست روحها مخنوقة خرجت و في مخها ثنية وحدة ما ثماش غيرها ،بعد نصف ساعة كانت قدام الباب.. حل عينيه بالنوم مش مصدق اللي يرا فيه ...قعدو ساكتين يغزرو لبعضهم ...كان باين على وجهو تاعب لحيتو خلاها مسيبة عينيه بالنوم و لابس شوميز مخلاها محلولة و شورت و حافي ..تكلم بصوت واطي مخنوق..مريم آش تعمل فالوقيت هذا ..قربت منو و عدات يدها ورا ضهرو حملتو و حطت راسها على سدرو العريان ..أنيس جيتك بكامل إرادتي و رغبتي كيف ما طلبت مني ..تصدم من كلامها جبدها ليه و سكر الباب ..رجعها لتالي تكاها عالباب و حصرها بيديه الزوز ..قرب منها حتى حس بالنفس متاعها طالع هابط ..مريم شاربة ؟!.. رجعتلو شبكت يدها ورا رقبتو عيناها في عينيه ..

عيناها كانو حمر مالشرب و البكا و قلة النوم ...شربت بش ننساك أنيس ياخي الشرب زاد على ما بيا..كان يغزرلها مصدوم مش عارف شنوة لازم يقول ولا يتصرف..هزت يدها عدات صوابعها على شفايفو بشوية و عيناها عليهم ... أنيس نحبك نحبك تملكني نحبها احلى و ابن ليلة بيناتنا ..نارو شعلت صوتها المرخوف عيناها الذابلين ..استسلامها ليه ..ضعفها قدامو ..كل شي فيها كان مغري ...جبدها لصقها ليه هبط على شفايفها كلاهم ، كانت أعنف منو دورت يدها على شعرو عنقتو تعنيقة بكل ما عندها من قوة كاينها تحب تتوحد معاه و يكونو روحين في بدن واحد ..طبس حملها ..هزها لبيت النوم رماها عالفرش ..و جا فوقها عدات يدها وراه نحاتلو السورية ..كان فوقها يعدي في شفايفو على كل طرف من بدنها ..كان كيف الفنان اللي يعدي في ريشتو على لوحة و يعرف كل خط شنوة يعني ..و هو رسمها بشفايفو ..بلمستو اللي تعدات على مواطن الرغبة اللي فيها الكل كانت شاعلة تحتو عمرها ما حست روحها أنثى كيف ما حاسه معاه ..حست بأنوثة كاملة ..نسى كل شي معاها كان عايش اللحظة..لحظة جنون تخلطت بالرغبة و الحب و الوحش...كيف السكران اللي فاق من سكرتو ..

أنيس فاق كانت عينيه شاعلة نار .قعد على حافة الفرش يتكيف في سيقارو ..مش فاهمة شنوة اللي صار ..قربت منو و حطت راسها على ضهرو تشم في ريحتو اللي تخلطت بالبارفان و العرق ..اللي يحكي عاللي عاشوه لحظات لتالي ..تكلم ببرود يخوف في وسط الظلام ..قداش من واحد عرفت قبلي ..جاها كلامو كيف الرصاصة ماكانتش تتوقعو و ماخممتش فيه اصلا.. بعدت عليه و قعدت بجنبو على الفرش ...شنوة؟! داؤلها على غفلة يهز فيها و يحط ...ما تسمعش قتلك قداش رقدت مع واحد قبلي ..في لحظة فهمت اللي يخمم فيه الكل ..قامت اتصيح ...مش من حقك تحاسبني عالماضي متاعي " ça te ne regarde pas anis " ..وقف قدامها عض على شفايفو مالغزول ...نحاسبك مريم نحاسبك و كان عجبك ..

شدلها وجها بيدو ...اتكلم حل فمك ..نطرتلو يدو بالقوي ..سيبنيي...غزرتلو غزرة تحدي في عينيه ..إي أنيس إي يجيش لبالك عندي ماضي قبلك وين المشكل ..شنوة تحب انقولك أغزرلي انكلم فيك ..انقولك انت أول راجل في حياتي و قبلك كنت عايشة نستنى فيك..مريم اسكت اسكت مش فاهمة شي متعرفش اش معناها، عشت حياتي الكل انلوج عليك و انهارة اللي لقيتك طلعت ...عيناها وساعت ...كمل أنيس كمل طلعت شنوة ...سكت و دور وجهو ..لبست دبشها و خرجت تجري دموعها على خدها.... عدا ليلة كاملة يرحي فالدخان و نازل عالشراب ..اكبر صراع يعيشو راجل شرقي ..اصعب موقف يتحط قدامو ..صراع بين عقلو و قلبو حاجة مستو و مست رجوليتو و قلبو وجعو عالحب اللي عاش حياتو  الكل يلوج عليه ...يحبها هذي حقيقةمعادش ينجم ينكرها لكن مش منجم ينسى ماضيها ...رغم اللي هو عاش حياتو من مرا لمرا..ذاق لنواع الكل ..بحكم خدمتو و النساء اللي عرفهم فقد ثيقتو فالحب و العرس و عاش حياتو بالطول و العرض ، خلى برشا قلوب وراه مجروحة ..وبرشا عينين بكات منو ...كان مالنوع اللي مايعرفش الاحساس بالذنب ..أناني و وين توفا شيختو يمشي منغير ميشوف شنوة خلى وراه من وجيعة...



زينب س.

SaveSaveعقدة انوثة #31