Zaineb S. - زينب س

القهوة فارغة مش كيف العادة ..القهوة اللي لاها سنين ..حيوطها ...كراسيها ...كل تركينة فيها تحكي الف حكاية و حكاية ..ادور فيها عيناها مليانة دموع ...توا 3 أيام لتالي ماللي صارت العركة سكرت على روحها خممت برشا و خذات قراراتها ..

.لمت خواتها و علمتهم اللي بش تبيع القهوة... قهوة الجدود ..القهوة اللي تشم عليها في ريحة الحاج ..كانت ادور و تتفكر في صغرها اللي تعدا بين الطواول ..خرجت مالقراية على بكري باش تعاون بوها ..تربيتها بين رجال خالاتها اتبع بطبايعهم .. تصورت اللي تنجم تعيش عيشتهم لاكن الانوثة قدر مش اختيار و ماللي تتولد أنثى في مجتمع ذكوري لازم تعرف اللي حياتك مش بش تكون ساهلة .. و هي انثى و ماليوم مش بش تخبي هذا ..

بش اتبدل حياتها و تخرج مالتصويرة اللي فرضوها عليها مالصغرة مش على خاطر فاروق اما على خاطرها ..دموعها هبطو ...جاها صوتو حنين كيفما عرفتو حياتها الكل ... حبيبي علاش البكاء..دارت لقاتو واقف في وسط القهوة ..ماعادش عندها قوة بش تعاند جرات ترمات في حضنو اطرشقت بالبكاء .. فاروق تاعبة مخنوقة... عدا يدو على شعرها يهدي فيها ..يزي مالبكاء ما نعرفكش بكاية ...هزت راسها مسحت دموعها و تبسمت ...ما فيبالكش ماللي رجعت مرا كثر عليا البكاء ...بعدها شوية و قعد يثبت فيها ... كان بش تقعد ديما تبكي السماح ارجعلي حمة العزري اللي عرفتها و حبيتها ..هههه حمة العزري مشات ماعادتش ترجع مشات مع القهوة ..

باهت فيها ..اش معناها آش تقصد .. تفاهمت انا و خواتي بش انبيعو القهوة .. شنوة ؟!.. اي شبيك مستغرب مش هذا اللي تحب عليه...جبدها من يدها ..ايجا ايجا نتفاهمو ..قعد و حطها عندو و دور يدو عليها ..ماقتلكش بيعها القهوة ، قهوة الحاج اللي انا و انتي عدينا فيها صغرنا ...بش تهبلني ماله شنوة تحبني نعمل ...عفاف حكاتلي على فكرة القهوة الميكست أنا مش ضد الفكرة و بش نعاونك زادة فالخدمة اما ما تحسبهاش خدمة و تحكي معايا فالفلوس جيست انحب تقعد عيني ديما عليك ...

ما صدقتش من فرحتها حملتو بكل قوتها ..فاروق ديما معايا حياتك الكل تجي في صفي عرفتك المرة هذي مش باش تخيبني ....إي عاد هكاكا بالشايح ...ههههه شنوة تحب ...قهوتي ..فهمتو تتركك عليه جات بش تقوم ..خليني نحضرلك قهوة ..جبدها رجعها ليه ..ايجا هنا قهوتي سبيسيال .. باستو بوسة خفيفة على خدو و قامت .. يزي اكهو الناس تمشي و اتجي .. ااااه مالناس وقتاش نرتاحو منهم .. ههه شبيك مزروب ...شنوة مزروب اكثر ماللي تتصور ..كانت تكذب ما بعدتش على خاطر الناس أما على أفكارها اللي مازالت مشوشة و أنيس و اللعبة اللي تلعب فيها و مش عارفة وين بش توصلها ...