Zaineb S. - زينب س
الجزء السابق

اي كلمة يقولهالي سيف كانت تمشي عليا نسمع كلامو و عينيا مغمضة ، دبرت فصعة و مشيت قابلت سيف و هزني لراجل مشينالو للقهوة ..الراجل هذا اسمو سي نورالدين راجل فال50 سنة بصحتو لابس كوستيم و باين لباس عليه ماللي دخلنا هزني و حطني غزرتو كان فيها اعجاب كبير ، قعدنا ..

سيف : عسلامة سي نورالدين هذي خديجة اللي حكيتلك عليها ..

نورالدين: مرحبا ان شاء الله الصوت كيف المنظر ..انا ساكتة بيناتهم ..

سيف: خديجة سمع سي نورالدين حاجة..شنوة هوني هكا قدام الناس ..

سي نورالدين : اي ميسالش مش لازم بصوت عالي نحب نسمعك حتى شوية ..انا مربوثة حسيت صوتي تخنق ..احم احم ،حبيتك يا حبيبي منغير مسأل سؤال ظ.كنت انغني و نغزر لسيف و عيني فيها برشا دموع ، نسيت انا وين و مع شكون فقت كان على صوت تصفيق سي نورالدين واو واو برافو خديجة شنوة هذا ، صوتك كريستال ياسر صافي و قوي يعطيك الصحة ..

فرحت برشا مدلي كارت فيزيت خو خديجة هاذم النوامر لازم اتكلمني بش نعملو اللازم و سلم علينا و مشى.. سيف وصلني روحت تعداو ليامات بيناتنا كان التلفون ، خرجت زبيدة عندها سهرية و انا كلمت سيف.. الو..وي خديجة نخدم راو.. توا وليت تخدم ما يهمنيش توا لازمني نشوفك ..منجمش ..شنوة متنجمش اللي صار بيناتنا مش شوية لازمنا نحكيو ..اووف باهي نص ساعة و انكون بحذاك..نستنا فيه ماعادش عندي صبر ، سمعت صوت الكرهبة خرجت نجري حليت عليه شفتو ترميت في حضنو حملني و دخلنا ..

سيف اغزرلي شبيك متبدل معايا ..لاني متبدل لا شي بربي يزي مالحساسيات تتخيل وحدك كان جيت متبدل ما نهزش انقابلك بنورالدين بن عمر اما انتي بطبيعة منين عندك تعرفو ..سيف امان ما تحكيش هكا تعرفني نحبك و انموت عليك و كل شي عطيتهولك ..

غزرلي قروبلي باسني بستو بوحشة بغل بقهرة ، نحا السورية متاعو و بدا يحمل فيا و يبوس ، احنا هكاكا و نسمع في صوت زبيدة ..شنوة فالدار يا كلب والله لا تحشموها اخرجو عليا توا تخرجو ،انا ما فهمت شي ، يا للا امان افهمني امان و بديت نبكي ،سيف لبس السورية و خطف مفاتحو و خرج و انا جيت انكلم فيها تعطيني كف و اتقولي انا منلمش الهمال في داري عندك ربع ساعة في يديك تلم جرودك و تخرج عليا ....