Zaineb S. - زينب س
الجزء السابق

لبس حوايجو باسني من خدي و هز روحو و خرج و انا ساكتة ما قلت شي و مش فاهمة شنوة صار ،

رجعلي شاهد لعقل اوه اوه يا خديجة اش عملت اش عملت في روحك هكا بسهولة كل شي صار شنوة هذا يا ربي يا ربي ان شاء الله نطلع نحلم ، مخيبو الندم يقتل يقهر اما ميرجع شي اما لا لا سيف حبيبي يحبني و بش انعرسو و ما يخليهاش بيا و بعد نرجع و انقول شبيه خلاني ما بقاش معايا شبيه بعد ما خذا اللي حاجتوبيه خرج يجري و خلاني وحدي ..

لا لا عندو الحق هكاكا اضمن كان ترجع زبيدة في عقاب الليل ، اكيد ما يقصد شي ..من غدوة روحت زبيدة و جات تحكيلي عالحفلة اللي عملتها و عالعربون لكبير اللي خذاتو و عطاتني تفتوفة باهية اما ما فرحتش بيها توا شنوة قيمتها لفلوس .. خديجة شبيك لباس ..

لا لا لباس للا ..ايا باهي حطلي نتعشا ماله.. انخمم مخي مش فوقي نمشي جهامة عالارض هكاكا و كلمني سيف : حبي .. سيف امان وينك مالبارح ما كلمتنيش ..

سامحني عزيزتي صبحت راقد حتى هي ليله ايييه بالف ليله هههه.. سيف لحكاية مش لعبة راو..

يزي خديجة مالكلام هذا ساعة انا كلمتك عندي ليك خبر باهي ..شنوة ؟! ..

ثمة كادر كبير يخدم فالتلفزة عندو برشا معارف في دومان لغناء حكيتلو عليك و على صوتم و يحب يقابلك ..

شنوة شنوة سيف منين جبتها لحكاية شكون قلك نحب نغني انا ..

خديجة صوتك مش عادي عندك نعمة مش حسة بيها يزيك من هيشة الفقر و الراجل هذا ما خذيت معاه رنديفو كان بالسيف لازم تتصرف و تقابلو ..باهي باهي علق توا للا جات ..

تيت تيت ......