Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

ارتيستا #10

zaineb-roman-derja-artista-tunisieZaineb S. - زينب س

الجزء السابق

نبكي ما عرفتش شنوة نعمل لميت دبشي هزيت عندي شوية فلوس مخبيتهم و خرجت دموعي على خدي ، دنيا ليل يا ربي شنوة نعمل انكلم في سيف ما يهزش وينو السخطة كلها جرتو و جرة قلبي اللي نطاوع فيه ، تي هز وينك ، تعدات ساعة و انا اندور فالشوارع واخيرا هز عليا ..

سيف نورمال انت ريت شنوة صار خرجت و خليتني ..خديجة ما حبيتش لمور تزيد تكبر و تولي مشكلة قولت اكيد تو تهدا و تتفاهمو ..مهداتش يا سيف..نبكي بالشهقة ..طردتني مالدار ..شنوة وينك توا ..في الشارع والله خايفة مش نورمال اجاني امانك ..باهي ما تتحركش من بلاصتك هاني جايك ..

نرعش فالليل ، جاني ركبت.. يزي مالبكا يزي ديجا كنت بش انخرجك من عندها البارح ولا اليوم ..وين عندي بش نمشي ما عندي حد ..و داركم.. تي انا دارنا نساوني توا سنين ما يعرفو كان لفلوس نبعثها كل اول شهر و كان نمشيلهم توا والله ما يقتلوني ..باهي هدي روحك عندي ستيديو صغير كاريه انا و صاحبي حاطين فيه الماتريال متاعنا نهزك بات فيه ..ما نعرفش عليك كيما تحب ..وصلنا ستيديو صغير دوب ما تحل الباب تلقا صالة فيها ميني بار يحل على كوجينة صغيرة و سال دو بان معبي ماتريال متع موزيكا ، حطيت دبشي و ترميت عالكانبي و زدت فالبكاء..

سيف: يزي عاد خديجة شبيك كاينك خرجت مالجنة ..يا سيف نورمال انت مله فضيحة غدوة تمشي تحكي بيا لناس الكل و انولي بيا و عليا ..بربي شكون الناس اللي حاسبينك و يخممو فيك ..تصدمت ..امان !!! تي حبي ما نقصدشي اللي فهمتو انتي اما متخافش زبيدة مهما كان رجلة انا خدمت معاها و نعرفها مغشاشة اما تو تبرد و ما نتصورش هيا معروفة بش تحكي حكاية كيف هكا.. اوووف يا ربي شنوة اللي قاعد يصيرلي ..

جاني قعد قدامي ،خديجة ركز معايا عندك صوت هبال و انتي مرا مزيانة برشا تنجم تنجح سي نورالدين هبل عليك تبعني تو ترا ، انساها زبيدة انتي لازمك اتكون فنانه تو ترا كان تبعني قداش تربح .. موسع بالك يا سيف انا فاش و انت فاش ..اوووه برا عاد انتي الليلة مش بش تبرد باهي نخليك انا توا ..وين عندك ماشي و مخليني وحدي ..قوتلك عندي خدمة لازمني نرجع ..خدمة توا؟!!..هههه حبي احنا جماعة الفن خدمتنا لكل بالليل النهار خليناه لناس العادية .. اي اما كي جيتني ما كنتش ناوي ترجع تخدم ..صاح عليا : شنوة توا خديجة بش تمرجني الليلة انتي تاعبة ارقد ارتاح غدوة انجيك طبس باسني من خدي و قلي ايا بون نوي عزيزتي ...



زينب س.
ارتيستا #10