اتفكّرني

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Cyrine Soussi / Seif Zine - سيرين السوسي / سيف الزّين

اتفكّرني

و اتفكّر يومْ اللي فناركْ فيهْ جهرْني .

و اتفكّر سهادْ الڤلْب كي عڤبْ محبّة سهّرني .

و اتفكّر الفمّْ اللّي بسملْ صوتكْ و سحرْني .

و اتفكّرْ الشّوڤْ اللّي شعّل الجاشْ و فوّرني .

اتفكّرني و ما تنساشْ ،

ليّامْ اللّي ما تتنساشْ ،

و الشّون اللّي ما ستنّاشْ،

و كيفْ ضمّك ما رواشْ .

و اتفكّرني..

* كيفاشْ تقول اتفكّرني

و كيفاشْ لسانكْ نطقْها

وكيفاشْ حرّْ أنْفاسكْ قبلْ ما تفكّرْ فيها حرقْها

فكّرْتني بشجرهْ تعرّاتْ لخْريفْ

وكي بردتْ ما سترْها ورقْها

نسيتْ واشْ ينسّيني

و خيالكْ مسهّرْ الڤمْرهْ على جفوني

اذا ما غفاتْ مالتّعبْ عيني

كيفاشْ تقول تفكّرني

وحبّكْ تصويرهْ

اذا ما لوّنْها الفلّْ

تزيّنْها الياسمينهْ.

عندما تعشق امرأة تكتب يمسي تبادل الحرف معها كتبادل القبل، فيصير النص سريركما وآخر نقطته نطفة .. نحبنا

كلمات سيرين السوسي / سيف الزّين - رسمة أحمد المطوي

Tags: