Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
أفار ...
Nadia El Ouni - نادية العونيولامس كان عمري عشرين
آمس عشرين و نهار
سهرت
قريت
نجحت
بكيت
برا نقولو عملت أفار
كبرت
عرفت
غرفت
صرفت
و البيتة ديما في الدار
برا نقولو عملت أفار
بطالة
عطالة
سكرة
قمار
مع البِنوِة ديما مزهار
برا نقولو عملت أفار
قفة شهايد
في عهد بايد
اش تطلع ؟
خدّام نهار
و برا نقولو عملت أفار
خدمنا عام
خدمنا ثنين
و يبدا الزّن عالوذنين
إتهرِّس
اكبِس
عرِّس
أعمل دار
فرّحنا ما عدناش صغار
رضا والدين
أما منين ؟
تي شبيك
أشقالك أشقال عليك
خدام نهار
لاهو شهّار
و لا في حيط مسمار
لا قادر على حضرة ولا على دار
جاي يخطب و يختار ؟
و زيد تقلِّي جيب صغار ؟
تي علاش ؟
باكو الكُوشَات بلاش؟
رَبِّي
قرِّي
كَبِّر
وَرِّي
و في بالك عملت أفار ؟
يطلعلك أبهم مالحمار
جا نهار
صبحو يحكوا عالخنّار
علِّي سرق
علِّي قتل
علِّي بش يدخل للنار
قال شنوا عملوا أفار
سرِّيت
مشيت
الصف شدِّيت
غطَّست صبعي فالحبار
برا نقولو عملت أفار
البلاد خلات
الدبوزة غلات
سوزي بنت البُردال مشات
و ما شعِفتِش
باقي طامع فالعمار
صدَّقت ال عملوا أفار
ستنّيت
صلّيت
صُمت ثنين
صُمت خميس
طوَّلت اللحية و القميص
و هوا أفار ؟
الدنيا لهمت فيها النار
ما خالط حد
لا مرمّاجي لا شهّار
لا خبّاز و لا خضّار
إتقسّمنا جنة و نار
و قال شنوا عملنا أفار !
ولامس كان عمري عشرين
أمس عشرين و آثار
و في حياتي ماعملت أفار
كان تغطيسة صبعي في الحبار ...
بقلم نادية العوني
Website Design Brisbane
Tags: