إيجا نحكيو شوية، نعنقك، نبوسك و نحملك بين يديّا

يزي ما كذبت عليك و كذبت عليّ

إيجا نعملك في البحر ثنية، نبنيلك فوق السحاب خيمة مضويّة و كي يطيح الليل، نهرب بيك و تهرب بيّا

إيجا إسكر بعينيا و كان من خزرة ما ثملتش نوعدك نزيدك شوية، تي نعرف روحي منك ديما مشتهيّة

أقرب و وشوشلي في وذنيا، قلي نحبك، قلي إنت اللي ليا و غيرك ما يملى عينيا

و بين الكلمة و الكلمة أخطف بوستين من خديّ

إيجا حتى عقاب عشية و تحلى القعدة و تولي سهرية و قبل ما تشبع نقلك يزي خلي لغدوة شوية

إيجا نجنحو و نطيرو، اللي كيفنا حرام يسيرو، إيجا و خليهم مني و منك يغيرو

تي صفي النية و إيجا نحكيو شوية، نعنقك، نبوسك و نحملك بين يديّا

يزي ما كذبت عليك و كذبت عليّ

و إلا نقلك، لا تجي و لا تطل علي، أنا و إنت  يا روحي مش فرد ثنية، خليني بعيدة و متهنيّة