Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

علاش ما تجيش

barcha-7obbHayet Romdhane - حياة رمضان

علاش ما تجيش نتقابلو صدفة،

بالك تنسى و ننسى و بخزرة وحدة ناري و نارك تطفى..

علاش ما تجيش نتقابلو صدفة، ريحتك قدام باب داري فضحتك و قريت في عينيك اللهفة..


ايجا و نقابلك حتى في المنفى، المهم منك نشفى،

و قلبي مالوجيعة يصفى..

علاش ما تجيش، نحب نسرح في عينيك،

نشق بحور و وديان و انا بين ايديك، و مهما نبعد نرجع ليك..

نخطفك ملي دايرين بيك، نبني دنيا زاهية بالروح لي حبيتها فيك..

علاش ما تجيش، لا نحكيو لا عليا لا عليك

و لا عالماضي لي بعدني عليك..

ايجا نتقابلو و خليها صدفة، بالك كي نشوفك القلب يبرى و الوجيعة توفى..

حياة رمضان
علاش ما تجيش
Tags:

Vous pouvez lire aussi