في مخي سنين، و هوما عام و شهرين و لا نهار كتب و جات العين في العين و أحنا بيناتنا زوز ديار و نهجين..بالك مكتوب و بالك دعاء والدين و بالك في بعدي و بعدك خير و خيرين..

لا أنا نسيت و لا إنت جروحي داويت، لا أنا تهنيت و لا إنت من خيالك تصويرتي نحيت..

لا أنا غيرك حبيت و لا إنت غيري عشقت و ليا ما حنيت..

لا أنا غيرك نساني و لا انت في البعد، صوت الرجوع ليا خلاك و خلاني مرتاحين..

غلطتنا أحنا الزوز مكابرين و الحب ما يستعرف كان بلي عالباهي و الخايب متعاشرين مش كيفنا المحبة و العشرة ناسيين..و الوعد لي بيه حلمنا سنين، اليوم أحنا خاينين..

مش غلطتي حبيتك أما غلطتي بحبي خنقتك، و ما راعيتك، هويتك عشقتك، و في عروق قلبي خبيتك، و بالدم لي في عروقي سقيتك..مش غلطتي حبيتك أما غلطتي بنار الغيرة تكويت و كويتك..

نرجع و نقلك بالك مكتوب و بالك دعاء والدين و بالك في بعدي و بعدك خير و خيرين..