نحبك صحيح أمامش أكثر من مستقبل فنات عليه أمي شبابها...و تحملت على خاطر نجاحي مر الدنيا و عذابها...

عمري ما نحبك أكثر من صحبة عمر...و نخلي على خاطرك صاحب معايا كبر...

ما نحبكش كان كنت سبب في دموعي...و في وقت اللي لازم بيا خطوات تقدم كنت سبب في رجوعي...

ما نحبكش خاطر الحب مش ضعف...و مش وقت اللي تحب تجري ورايا سوايع و كيف تتعب تسلم و تلف...

ما نحبكش كان باش تقلي في الدنيا غيرك ميات البنات تستنى...و حياتي مش واقفة عليك و ما تحلي باب في الجنة...

ما نحبكش كان تراني كيفهم و ربي خلقنا مالبشر أنواع...فينا الغالي بالغلا ما تنجم تشريه و فينا اللي بلاش مالرخص يتباع...

ما نحبكش كيف تحاسبني و تنسى تغزر لأفعالك....و تلومني و يزيد ملامك...و تغار و تحكم و تتحكم و تملكني و تبيع فيا و تشري و تغلي و ترخص في أسوامك...

ما نحبكش كان باش تراني سلعة معروضة...أقوالك أوامر و إعتراضاتي مرفوضة...

ما نحبكش كان دور سي السيد تلعب معايا...لا محتاجة حارس يحرسني و لا منك غزرة تخوفني و تكبسني و لا ظهرك  يحميني و لا خيالك يتبعني و وين ما نمشي  يكون ورايا...