الدفا بعد الصرد

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Sihem Hannachi - سهام الحناشي

إي أنا جرّبت...جرّبت نموت و أنا حيّة...و جرّبت الوقفة في نص الثنيّة...

جرّبت نبكي و دموعي محبوسة على خدّي ما تهبط...و جرّبت في ظلامي الداخل نغرق...

جرّبت غدر الأصحاب...و جرّبت فراق الأحباب...

جرّبت تكونلي كل شي و في لحظة تمشي و تخلّيني...و جرّبت يسألوك على أحبابك تسمّي الكل و ما تسمّيني...

جرّبت الطيحة،جرّبت اللّطخة...جرّبت يموت فيا كل شي و غير النفس طالع هابط فيا ما تبقّى...

جربت...و تعلّمت...و قمت و طرت جنّحت...

على مواجعي سكرت وذنيّا و عفست عالجمرة اللي تحرق فيّا...

و ماعاد نعرف حسرة على مفارق...وما عاد نتلفّت للي البارح غرّقني و اليوما غارق...

لاعاد لا حسرة لا تنهيدة...حرقت دنيتي اللي كانت و بنيت قصور دنيا جديدة...

أنا وحدي و ما كان معايا حدّ...و إنت زادة وحدك،صحيح باش تتعب و حيلك يتهد.ّ..

أما باش توصل...و بعد النار باش تعيش في الجنة، و مصيرك الدفا بعد الصرد...

سهام الحناشي

Website Design Brisbane

Tags: