zaineb s
zaineb-roman-artistaZaineb S. - زينب س

قمت الصباح على عصابي سايي بش نروحو زعمة يتفكر و زعمة يعملها و يبطل الخدمة اوووه شهرزاد ريض شبيك تو كيف نراه نفهم كل شي خرجت دقيت عليه الباب حل يسكر فالسورية ..مش قاعد يغزرلي في وجهي جملة جاوبني بالسيف ..اه باهي برشا مازال متغشش مني معناها ناسي حكاية البوسة ..ايا نمشيو..هيا ..طلعنا فالكرهبة طريق كامل سكات ، وصلنا لدار وقف هبط انا نحل فالباب و هو وقف درتلو هيا شبيك ..جاني..شنوة كان انتي تنسا انا راو ما ننساش (يا ربي هاو متفكر و انا نقول سكران)...
Lire la suite...  
zaineb-roman-artistaZaineb S. - زينب س

دخلت لبيتي اتكيت فوق فرشي و اطرشقت بالبكاء و رقدت ، قمت الصباح نجري بروبتي و عينيا منفوخين و مكياجي داخل بعضو ندق ندق عليه بالقوي خفت لا يطلع مشا و خلاني حل الباب مش يغزرلي جملة كيف ريتو طرت بالفرحة اما ما شلقتش على روحي ..

وليد لازم نحكيو ..قص عليا ..شوف مدام شهرزاد انا مش ساقط بش نخليك هنا وحدك و نروح بش نكمل خدمتي ( و قال خدمتي بسوط اوضح ) و بعد شوف حد غيري انا تجاوزت حدودي برشا و مشى و خلاني ..
Lire la suite...  
zaineb-roman-artistaZaineb S. - زينب س

وصلنا نلقاو reserve 2 شنابر بجنب بعضهم ، دخلت حطيت دبشي رقدت عملت دوش اييه نحيت تعب الثنية ..لبست شورت قصير و بروتال شعري مسيب و ساندال خفيف في ساقي ، خرجت نشوف فالوتيل نتفرج فيه محلاه كبير 5* شفت وليد جيت بش اناديلو قص عليا راجل متعدي مدام شهرزاد عسلامة ..

عسلامة ..انا نحبك برشا و يعجبوني غنياتك الكل ..يعيشك ..بربي ميسالش نعمل معاك تصويرة ..اي ميسالش ..جا بجنبي و حط يدو على كتافي نسمع في صوت من تالي ..معلم نحي يديك و بعد اتصور (نلقاه وليد) ..نعم شكونك انت يا سيد ..يزي هذاكا يخدم معايا ..وليد : تسمع تسمع توا ولا لا نحي يديك عاد مادام مازلت موسع بالي ..
Lire la suite...  
zaineb-roman-artistaZaineb S. - زينب س

كملنا رجعنا لطالة قعدنا نتفرجو ساكتين شوية و انا بيدي وليت نتثاوب الفجر قريب يطلع و هو مسكين باين تاعب ، شافني هكاكا قام قالي ايا سامحني توا نخليك ترتاح ..باهي اوكي حتى انت راك تعبت ..

جا ماشي ناديتلو ..وليد ..وي ..عيشك ..تبسملي و مشا ..رقدت ديراكت ما فقت كان من غدوة لعشية ..قمت اندور فالدار نلقى الفاست متع وليد شديتها شميتها امممم مابن ريحتها ، خرجت مشيتلو دقيت الباب ملقيتوش مازلت انلوج عليه نلقاه داخل يحكي فالتلفون و يضحك (هي هاو يعرف يتكلم و يضحك بيني و بين روحي غزلت) شافني قال ..باهي اوكي تو بعد انكلمك و علق..اهلا شهرزاد ..اهلا هذي الفاست متاعك انسيتها البارح..
Lire la suite...  
zaineb-roman-artistaZaineb S. - زينب س

في حضنو مانيش مصدقة احساس ولا اروع حسيتو قوي حضنو دافي حتى كان ما يحكيش برشا اما الكلمتين اللي قالهملي رتحوني و هداوني ..بعدت و حسيت روحي باردة فق بيا نحا فاست الكوستيم حطها فوق اكتافي و قالي : ايا وقيت ؟ ..اي اي هيا ..(كنت نتمنى juste نبقا معاه كنت خايفة من روحي منحبش نقعد وحدي و انعاود انواجه روحي و نتذكر سيف خايفة خايفة برشا و اول مرة نحس روحي وحيدة و ما عندي حد )

و احنا فالطريق مروحين ساكتين و انا انخمم قولت اكيد اي انسان فالدنيا عندو حد يشكيلو همو يبكي على كتافو كان انا نغني قدام الالاف و نروح نبكي وحدي ، درتلو غزرتلو على جنب و بقيت انثبت فيه ، محلاه سرحت فيه دارلي تربثت ..شهرزاد سافا توا.. اي اي الحمدلله عيشك ..رجع يسوق و ما قال شي ، وصلنا هبط دخلنا وصل لباب الستديو مشيت شوية رجعتلو..وليد الفاست ..خلاها ..لا ميسالش عيشك..خذاها ، قعدت نغزرلو و جيت ماشية اه باهي على خير ..تصبح على خير ..مشيت شوية و هو مازال يحل فالباب ..وليد ..وي ..قعدت متردده شوية ..بش ترقد توا ..مازلت شوية ..
Lire la suite...  
Powered by Tags for Joomla