zaineb s
zaineb-roman-artistaZaineb S. - زينب س

جاوني الناس الكل لدار يهنيو فيا امل فاطمة الفرقة الناس الكل فرحت بيا و الدار تعبات ، حبيبي زادة معايا و انا مازلت انجم نبعد عليه ، تلفزة راديو الكلها تكلم فيا ما تصورش الحكاية تعمل بوز هكا الناس الكل عرفت بحكاية لسعد و وليد على كل لسان ..وليد حبيبي ..وي..مصدق اللي صار معانا ..لا ..كان ترا انا ..

حملني و باسني من جبيني ..توا لازمنا انخمو فاللي جاي اللي فات انساه ..حملتو بالقوي و انا فرحانة قلبي بش يطير بالفرحة ..عدينا شهر كلو حب و بدينا انخمو فالعرس ..كل مانجي نحكيلو عالماضي متاعي نخاف نخاف بعد اللي تعدينا بيه الكل نخسرو نولي نسكت ..
Lire la suite...  
zaineb-roman-artistaZaineb S. - زينب س

احنا اكاكا و وليد دخل : اه شنوة كسرلك راسك بحكياتو ..انا ضحكت:لا جملة مهدي عسل الدنيا ..وليد غزرلو: اه معلم لقراية عاد نسيتها اكيد ..تي انا قراية ياخي ما في بالكمش ؟؟!!.. انا : في بالنا بشنوة ؟ ..مهدي: لبلاد خايضة و الدنيا الكل مسكرة لا ثمة لا قراية لا والو ..وليد : علاش اتكلم..مهدي: واحد في سيدي بوزيد حرق روحو و من وقتها لبلاد دخلت في حيط مظاهرات و اعتصمات و شي يوقف المخ ياخي وينكم وين عايشين ..وليد: منين تحبنا نعرفو لا تلفزة لا تلفون..مهدي قام: ايا جماعة نخليكم انتوما برسمي كيف اهل الكهف وليتو ..روح مهدي و ما تعداتش النص ساعة و الباب دق بالقوي ..غزرت لوليد ..شنوة زعمة مهدي نسى حاجة ..مشى يحل و يلقى......

Lire la suite...  
zaineb-roman-artistaZaineb S. - زينب س

الجمعة الثانية في ديسمبر دخلت ، الدنيا بردت ..قمت الصباح لوجت على وليد ملقيتوش دخلت للكوجينة دقيت على بيت البانو شي ما ثماش خرجت لبرا ملقيتوش قلبي طاح ناديت لوجت شي ايست رجعت لدار شدني لبكا تعدات ساعة اعصابي تحرقت و هو حل الباب و دخل في يدو قضية منغير ما نحس بروحي نجري و نعنقو بالقوي و نطرشق بالبكا..

شبيك شهرزاد اش ثمة ..امان هكا تعمل فيا هذي ثاني مرة تعملها و تلعب بروحك ( نحكيو نبكي و باقي معنقتو ) خفت عليك خفت عليك برشا ما تعرفش شنوة حسيت ..طيح السشيات من يدو جاو فالقاع ..بعدني و قعد يغزرلي فقت بروحي جيت بش نبعد عاود جبدني و قالي : يزي مالهروب وين ماشية ..علاش بش نهرب (دورت عليه وجهي )
Lire la suite...  
zaineb-roman-artistaZaineb S. - زينب س

تفجعت درنا نلقاو مهدي جايب في يدو ساك متع حويج و سشيات دخل حال فمو و قال صبح الخير يا جماعة ، بقى ساكت شوية و كملها عااااا هههه انا تربثت حشمت عالاخر وجهي حمار اي واحد بش يرانا هكاكا بش يفهم بالغالط وليد عريان و احنا فالوضعية هذيكا ..بعد عليا دار لمهدي : مهدي كيفاش جيت ؟؟ ..هذي اهلا بخويا متاعك ..

تي تكلم ..نورمال شبيك ضيعتهم ركبت في الف نقل و بعد خذيت لواج و جيت لهنا .. بعد عليا وليد و شالو ..امي شنوة حوالها .. حسب رايك ..باهي شنوة صار ..جاو جماعة لدار فركسوها و ثمة زويز يعسو من بعيد عالدار اما عرفت نتلفهم اه شقولك في خوك ..ان شاء الله يطلع كلامك صحيح ..امااااان خويا كان ما عينكش بيا انجم نمشي ( يرمي فالكلام و يضحك) ..طفاه وليد و انطر الساك من يدو ..
Lire la suite...  
zaineb-roman-artistaZaineb S. - زينب س

ما نجمتش انقولو اجا ادخل ولا نخلط عليه ما عنديش وجه بش نواجهو بعد اللي صارلو في جرتي ، امو اكيد مفجوعة و راي كرهتني نزيد انخمم هكا يشدني لبكا اما منغير صوت تذكرت وليد وين بش يرقد قمت نلوج نلقاش حاجة دخلت لبيت اخرى حليتها نلقاها كلها ماتريال فلاحة و قربج و معون و فيها جرايا متكينها عالحيط جبدتها هزيتها لصالة و فرشتها اللوطة فالقاع بحذا الفرش و رقدت عليها( اكيد مش بش نخليه هو اللوطة مش مطلوب فيا عالاقل يبات مرتاح شوية ، تعدات حكاية نص ساعة مغمضة عينيا اما مخي بش يتحرق و النوم ما حبش يجيني شي نسمع فيه دخل عملت روحي راقدة جا شافني هبط بحذايا عدا يدو ورا ضهري و حملني حطني فوق الفرش ..ما قمتش عاملة روحي راقدة و انا عين بعين نعس عليه نرا فيه نحا مريولو ( يا ميمتي ما بنو ايييه يا شهرزاد توا وقتو ) و كمل نحا سبتة السروال و ترمى فوق الجراية على ضهرو...
Lire la suite...  
Powered by Tags for Joomla