Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
ﺧﻠﻴﻚ ﺭﺍﺟﻞ ﻣﻌﺎﻫﺎ
Omar Harhouri - عمر هرهوريﺧﻠﻴﻚ ﺭﺍﺟﻞ ﻣﻌﺎﻫﺎ
ﺣﺒﻬﺎ , ﺻﻮﻧﻬﺎ ﻭ ﺍﺳﺘﺤﻔﻆ ﻋﻠﻴﻬﺎ
ﺧﻠﻴﻬﺎ ﻛﻲ ﺍﻟﻨﺠﻤﺔ ﺗﻠﻤﻊ ﻓﻲ
ﺳﻤﺎﻫﺎ
ﻭ ﻛﻲ ﺍﻟﻴﺎﺳﻤﻴﻨﺔ ﺍﻟﻲ ﺭﻳﺤﺘﻬﺎ
ﺍﻟﺒﻨﻴﻨﺔ ﻃﺎﻳﺮﺓ ﻓﻲ ﻫﻮﺍﻙ..
ﺗﻠﻬﺎ ﺑﻴﻬﺎ
ﻭ ﻛﻮﻥ ﺣﻨﻴﻦ ﻋﻠﻴﻬﺎ
ﻛﻲ ﺑﻮﻫﺎ ﺧﺎﻑ ﻋﻠﻴﻬﺎ
ﻭﻻ ﻛﻲ ﺧﻮﻫﺎ ﺍﺿﺤﻚ ﻣﻌﺎﻫﺎ
ﺣﺴﺴﻬﺎ ﺑﻘﻴﻤﺘﻬﺎ ﻋﻨﺪﻙ
ﺧﻠﻴﻚ ﻗﺮﻳﺐ ﻣﻨﻬﺎ
ﺣﺒﻬﺎ ﻭ ﺩﻟﻠﻬﺎ
ﻭﺭﻳﻬﺎ ﺑﻼﺻﺘﻬﺎ ﻋﻨﺪﻙ ﻭﻗﺪﺭﻫﺎ
ﺍﻟﻤﺮﺍ ﺗﺤﺐ ﺷﻜﻮﻥ ﻳﺘﻠﻬﺎ ﺑﻴﻬﺎ
ﺷﻜﻮﻥ ﻳﻔﻬﻤﻬﺎ
ﻭ ﻳﺴﻤﻌﻬﺎ ﻣﻦ ﻋﻴﻨﻴﻬﺎ
ﺷﻜﻮﻥ ﻳﻜﻮﻥ ﻛﻞ ﺷﻲ ﻓﻲ ﺣﻴﺎﺗﻬﺎ
ﻳﻬﺮﺑﻬﺎ ﺑﻌﻴﺪ ﻣﻦ ﺩﻧﻴﺘﻬﺎ
ﻳﻄﻴﺮ ﺑﻴﻬﺎ ﻓﻲ ﺍﻟﺴﻤﺎء
ﻭﻓﻲ ﺗﻌﺒﻬﺎ ﻳﻨﺴﻴﻬﺎ
ﺣﺒﻬﺎ ﻋﺎﻗﻠﺔ
ﺯﻳﻨﺘﻬﺎ ﻓﻲ ﻋﻘﻮﻟﻴﺘﻬﺎ
ﺣﺒﻬﺎ ﺧﺮﻧﺎﻧﺔ ﻭ ﺣﺸﺎﻣﺔ
ﺣﺒﻬﺎ ﺳﻜﻮﺗﻴﺎ ﻭﻻ ﻣﺴﻤﺎﻣﺔ
ﺧﺎﺗﺮ ﻛﻞ ﻣﺮﺍ ﺗﻀﻬﺮ ﺯﻳﻨﺘﻬﺎ
ﻓﻲ ﻣﺤﺒﺘﻬﺎ
ﻭ ﺍﻟﺰﻳﻦ ﻣﺨﺒﻲ ﻓﻲ ﻃﺒﻴﻌﺘﻬﺎ
ﻛﻞ ﻣﺮﺍ ﺗﺤﺐ ﺷﻜﻮﻥ ﻳﺘﻠﻬﺎ ﺑﻴﻬﺎ
ﺷﻜﻮﻥ ﺗﻐﻠﻂ ﻳﺼﻠﺤﻠﻬﺎ ﺛﻨﻴﺘﻬﺎ ﻭ
ﻳﻮﺭﻳﻬﺎ
ﺑﺎﺵ ﻛﻲ ﺗﻄﻴﺢ ﺑﻴﻚ ﺗﻠﻘﺎﻫﺎ
ﻫﻲ ﺗﺎﻗﻔﻠﻚ
ﻣﺎﺗﺨﻠﻴﻬﺎﺵ ﺑﻴﻚ
ﻭ ﺗﻨﺤﻲ ﻣﻦ ﻟﺤﻤﻬﺎ ﻭ ﺗﻌﻄﻴﻚ
ﻫﻲ ﺍﻟﺸﻤﻌﺔ ﺍﻟﻲ ﻛﻞ ﻣﺎﺗﻀﻼﻡ
ﺣﻴﺎﺗﻚ ﺗﻀﻮﻱ ﻋﻠﻴﻚ
ﻫﻲ ﺍﻟﺼﺪﺭ ﺍﻟﺤﻨﻴﻦ ﺍﻟﻲ ﻳﺨﺒﻴﻚ
ﻭ ﻓﻲ ﺍﻳﺎﻡ ﻓﺮﺣﺘﻚ ﺗﺪﻣﻊ ﻋﻴﻨﺎﻫﺎ
ﻋﻠﻴﻚ
ﺍﻟﻤﺮﺍ ﻧﻌﻤﺔ ﻣﻦ ﻋﻨﺪ ﺭﺑﻲ
ﺍﻟﻤﺮﺓ ﺍﻟﺜﺮﻳﺔ ﺍﻟﻲ ﻣﺰﻳﻨﺔ ﺣﻴﺎﺗﻨﺎ
ﻫﻲ ﺍﻻﻡ ﺍﻟﻲ ﺗﻌﺒﺖ ﻋﻠﻴﻨﺎ ﻭ ﺭﺑﺎﺗﻨﺎ
ﻭ ﺍﻻﺧﺖ ﺍﻟﻲ ﺩﻳﻤﺎ ﻭﺍﻗﻔﺎ ﻣﻌﺎﻧﺎ
ﻭﻋﻤﺮﻫﺎ ﻣﺎﻧﺴﺎﺗﻨﺎ
ﺍﻟﻤﺮﺍ ﻫﻲ ﺍﻟﺤﺐ .
عمر هرهوري
Website Design Brisbane
Tags: