كي تاقف قدام المراية تلقى الشخص الوحيد لي عندك فيه الثيقة و تنجم تحكيلو.

ملي انت صغير يحطولك في مخك اللي لازمك تكون "كي الناس" تقرى و تتخرج "كي الناس "

و تحب "كي الناس " و تختار راجل ولا مرا "كي الناس"، تعرس عرس ماسط فاشل بحاجات ما تعنيليك شيء بأفكار "كي الناس"..

تخسر فلوسك و تعبك باش تكون "كي الناس"، و حتى دارك تعملها "كي الناس"، و تجيب صغار "كي الناس " و تختارلهم حياة "كي الناس"..

و تتعاود الخرافة من اللول "كي الناس"

عيش بأفكارك بحلمتك اختار الحاجات اللي تمس روحك، الالوان اللي تفرحك.

اعطي لروحك فرصة باش تبعد عليهم، إلبس على كيفك، أعمل style لحياتك مختلف..

يزي من "كي الناس" ، تعلم أخلق تفاصيلك، و إكتب حكايتك، خاطر فالأخر تفهم و تفيق إلي هي حياتك موش حياة " الناس"