Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
يا رومـــا
Ghofrane Ben Issa - غفران بن عيسىبرد و سحاب و ضباب و مطرة متخبية
رعد و برق و ريح و ليلة منسية
سفينة ف البحر بالرجاال متعبية
هاربة من بلاد ديمقراطية
بلاد ثورة الياسمين و الحرية
بلاد وين الكذب و فن التمثيل و المسرحية
بااس امو و الوخية يا بابا يا خويا الشي ما هو بيديا
نحب نعيش و نورق و ناخو الجنسية
نحب نعيش عيشة هنية
ماشي في سفينة شطرها يوصل و الشطر لاخر غارق بيا
ماشي و ما عارف نحرق ولا نحرق قلب امي عليا
نحب نفرح امي وخواتي
نحب نلبس و نعيش كيف اندادي
يا رومـــا عليك نادي
جايك في ليلة حزينة شتوية
جايك مادد ليك ايديا
جايك بعد ما في بلادي قصولي يديا
جايك متحامي بيك
طالب العيشة فيك و خايف نموت و ما نوصل ليك
جايك معا صحابي راكبين و ما عارفين لرجوعنا ثنية
و في نص الطريق السفينة غرقت بيهم و بيا
خيال امي ريتو بين عينيا
ياما راجعلك في صندوق مش على ساقيا
البحر الي حبيتو يوصلني غدر بيا
و الجيش الي ضنيتو حاميني قتلني و ما حس بيا
تخبطت تخبطت لين تعبت ايديا
تخبطت ياما لين طلعت الروح الي فيا
ماتبكو عليا راحل ياما من غير رجوع
نبكي بصوت مش مسموع
شريط حياتي تعدا بين عينيا
تعب و بكاا و فقر و عيشة مرزية
لازتني نموت و نحرق قلب امي عليا
ياماا لا تصحيني و لا تناديلي ادعيلي ف الجنة تلقيني
هذي دنيا ماشي ليا
مادام بلادي قتلتني و ما رافت بيا ...
غفران بن عيسى
Website Design Brisbane
Tags: