ما نعرفش علاه تفكرتك اما تفكرتك ..!

جت صورتك بين جفون عينيا حسيت قلبي يوجع فيا فيه جروح كي جرحت السكين الحافي و شكون حاسها خلافي

تفكرتك .. انا الي عمري مانسيتك تفكرت قداه من مرة في جروحك داويتك و اليوم معايا مالقيتك

تفكرت اياماتنا ضحكنا و حكاياتنا

جونا و شيختنا و هملاتنا

حتاا شهواتنا

تعرفي ؛ تفكرت كل حاجة كل لحظة عديتها معاك و انا نرى فالفرحة في عينيك

ما فيباليش بالسهولة هذي نهون عليك..

قداااه ضحكنا و بكينا

و على هم ه الدنيا و الزمان تقوينا

قداه صبرنا معا بعضنا و ضحكنا معا بعضنا و عدينا الايام معا بعضنا

و اليوم هاني وحدي من غيرك نشوف فالناس الكل دايرة بيك ولا حد فيهم عشيرك

كنت نرا فيك دنيا محلاها واليوم بالبعد فسدناها

نعرف معزتي عندك مش كيما معزتك عندي

و نعرف تو ماكش متمنيتني بجمبك و نعرف قلبك عمرو ما حبني كيما قلبي حبك

هذاكا علاه مشيت

هذاكا علاه هانت عليك عشرتي و نسيت

تتفكري قداه شدينا ايدين بعضنا و قلنا شي ما يفرقنا

تتفكري قداه بكينا عند بعضنا و حلفنا شي ف الدنيا ما يوقفنا

انا ما غضنيش فراقنا غاضني اني معادش نشوف في روحي في عينيك انا الي وصلت حتاا مالنسمة نخاف عليك نغير و كان نلقى في شوني نخبيك و حد ما يفيق بيك

اما توا فات الفوت و العشرة الي بيناتنا تكتبلها الموت

كنت نراك اغلى من عينيا مافهمتش كيفاه هنت عليك و ماحسيت بيا بعد الحب الي حبيتو ليك ي ممو عينيا