يا تونسية يا حرة
عيناي حنت ..
روحي ضبعت وجنت ..
قلبي تمعس وتمرس ..
تجرح وترفس ..
بدني تعب ..فد..عيا ومن الوجيعة ما شفاء ..
وليت شمعة تضوي وليت قطرة ماء نازلة في الشتاء .. من السماء ..

نحبك ونفنى عليك ..
على خيالك نبيع روحي وناخذ الي فيك

نكتب في عينيك قصايد وخواطر حب وجرايد ..
حلمتي نموت فيك ! وسط عينيك ..نحب نغرق فيك ! وسطك وسط بدنك وعينيك ..
روحك ضايعة وعقلي يحبك مخلوظة صايعة ..
لقلبي طايعة ..
احبك ..
كي نقولك نحبك معنتها نعشقك ونعشق تفاصيلك ..نعشق ذاتك وربك .. نحبك معنتها نغوص فيك لداخل ونعوم في بحر قلبك ونعطيك ..نقلك نحبك كلمة تونسي يكتبها ..يرسمها ..ينحتها يصورها ...
يقلك :
مرحبا بيك ..
مرحبا بيك في تونس بلادنا ..أرضنا وتراثنا وأصل أجدادنا ..ريحة زمن بكري العولة وللكسكسي والخير وحس أحفادنا..
نقلك :
محلاك يا للة .. محلى خديك يا زين الغلة ..
مبهى ضحكتك يا عروسة بحنتها تتجلى ..
يا حورية تلمع في وسط الماء تتسلى ..
ما اجملك يا وردة متفتحة ..
يالي تفوح منك ريحة الريحان وانت عصفورة متبجحة ...
يا للة يا زين الدنيا والقمرة ..
يا تونسية يا مرأة يا حرة
يا ضوء الشمس في نهارها تتخلى ! يا سمراء ..
يا روح القمرة
يا عسلت النحلة يا حمراء
يا دقلة من نخلتها تتدلى ..
يازين اللة خمس وخميس عليك وعلى ها الطلة ..
يا ريحت الياسمين يا فلة
يا عيون الدقلة يا للة ..
يا تونسية يا أصيلة بلادك يا للة