حماة الحمى ياحماة الحمى ...هلموا هلموا لمجد الزمن

لقد صرخت في عروقنا الدما...نموت نموت ويحيا الوطن ...

نحبك يا بلادي ونعشق كل شيئ فيك

وعبادي ... نموت فيك يا دنيتي يالي نطمح باش نقدملك حلمتي .. ندافع عليك ونصيح على خاترك ونبقى عند كلمتي ...نتذكر فيك برائتي وطفولتي وصغرتي ...نتذكر فيك وقت الي نجيب الشهادة من المدرسة نجري وفرحتي .. نحبك يا تونس بلي ساكن فيك نحبك وناسي الكلام الجارح الي تقال عليك ..نحبك بآصالتك وبثقافتك و بتراثك و بالخير الي معشش فيك .. ..نحبك خاترك الخضراء المزروعة ونحبك خاترك الحمراء ..شربت من الدم احببابك وسكنتهم وسطك كالقمرة بين اترابك... نحبك خاترني تونسي وساكن داخلك ..ساكن وسطك ونعيش غصتك ..وقسوة ازمتك..

نحبك خاترك فن متخبي وسط السنين بالذكريات معبي .. متخبي وسط ريحتك الفايحة ..للنسري والياسمين والفل رايحة ...نحبك خاترك قطرة ماء طايحة تسقي في عروق زهرة مزروعة وسطك اما شايحة ...نحبك خاترك دمعة حزينة سايلة على خد بنية صغيرة سايحة ... نحبك خاترك رغم الي فيك صافية..بشهامة ناسك دافية ...من الظلم والقهر والخيانة الي تعيشها خايفة ..تجري كالغشيرة الصغيرة الحافية ..تشعل بنورك وبضوك الي يبرق اما تقعد طافية ...نحبك يا بلادي يا ريحة أجدي واكبادي ..يا كلمة وفكرة مرسوغة في مخي عليها إنادي ..نعشق تحررك ونعشق قوة ارادتك .. نبقى ديما نغزرلك كالام التونسية بالتراث والتاريخ مقدية ... من صفاقس للمهدية..نبقى ديما نحبك وديما متفائل بزوالان تعبك ...نحبك... ونرسمك بدمعة حزينة نخبيها في قلبي وسط تركينة ..ونعطيها السماح باش تشق البحر وتبعد كالسفينة .....نحبك يا تونس