الليل طاح..
والبرد يسري في العروق..
برشا حس..
طاولة..
برشا مواضيع..
ما تهمنيش..
قدامي..

زوز امبوبات..
وحدة زرقة و لخرى روز..
متناغمين..
اما بعاد..
ضوهم يتقابل في النص هما لثنين..
متشابهين..
وكان يتلمو علي بعضهم..
يمكن زينهم يعمي العينين..
خسارة..
عايشن...
موش كاتبلهم باش يتلمو علي بعضهم..
يمكن هكا خير..
كل واحد فيهم يضوي علي لاخر..
كل واحد ماد ذراعو للثاني..
بيناتهم جرة قاسمتهم في شيرتين..
برشا خضاار ورق شجر من غير نوار...
كيفنا...
انا و انت.. و هي..
و الوقت العاكس...
الضروف الي حطتنا بالخلاف..

احنا زوز ماناش فرد ثنية...
موش كاتبلنا باش نتلمو..
كاتب علينا نقعدو نضويو علي بعضنا من بعيد..
من غير ما تكون ليد في لإيد..
قتلي..
ما نعرش شمعناها حب...
و انا بيك تعلمت نحب...
ومن غيرك موش عارفة وين نشب..
وين الهربة منك وقت الي انا نهرب منك ليك...
وقت الي نحب نضيعك نلقى خطاويا هازتني ليك..
بين ايديك..
انا الي بعد الموت بيك حيت..
بعد ما قسات الدنيا عليا و عليهم قسيت..
حنيت...
وحبيت..
قلي شنعمل وقت الي ولات ضحكتي بتبسيمتك..
و نغزر للدنيا بعينيك..
و نمشيني لأخر تركينة في الدنيا بخطاويك..