اي انا انانية

ونفتخر زادة تحبوا تعرفوا علاه؟!!

خاطر كي تكون اناني تحمي روحك من برشة مشاكل انت في غنى عنها .

انانية يعني ما نلحسش للعباد باش يحبوني..

انانية يعني مانقودش  لطفلة كرزة باش تولي صاحبتي ... انانية يعني non نفـاق ...

كي تكون انانية تبدي شايخة وحدك و ترتاح من هزان وجيبان لحديث والقيل والقال. . وزيد ماكش مجبورة تضحك في وجوه ناس ما تحبهمش

انـانية يعني تحب روحك في وقت النـاس تكره بعضها..

انـانية يعني تحب لروحك لخير في وقت ناس تحبلكالشر  وتحب تراك فاشل باش ما يحسوش بفشلهم قدامك

انـانية يعني تحب روحك ديما ل قدام وديما خير وفي العـلالي  يعني طيـر و جنـح وتبعد علي اصحاب العقول لمريضة

الأنـانيـة ياسادة حاجة باهية ياسر في وقتنا توا .. حاجة تخليك مرتاح البال ولا علي بالك بحد...

كون اناني وحب روحك اما ما تظر حد .. حب روحك و دللها وحققلها احلامها وكل شهواتها واضحك و شيخ و إتهني مع روحك اصّنع لروحك لفرحة وما تستني حد يفرحك كون اناني واسرق الضحكة في لحظة حزينة كون اناني واتمني كان لخير للغير كون اناني وجنح مع العصافر والطير  كون اناني واسرق البسمة وازرعها علي خد طفل صغير كون اناني وحب الناس لكل بقلب كبير حبهم و حبلهم الخير .. كون اناني وفي انانيتك متفرد كيف الوردة في فم البير تسرق قطرات الماء من نداء باش تفتّـح في نهـار جميــل ....