Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
و يا تكون
Imen Soudani - إيمان السودانييا تكون ..
يا تكون مني و نسرصطلك المخبي
يا هبة نسيم
و ريحة عطر الزهر في قلبي
يا تكون..
،سماء فيها نطلڨ جوانجي و نعلي
سحابك دفى و مطرك يروي عطاشى الشجر و أرضي
يا تكون ..
بهجتي بعد سنين غدر
فرحة غشير ستانس بالمر
ضحكة بين عينين العمر
يا تكون ..
من باقي أهلي و ناسي
سيفك دوا لسارق أنفاسي
كلامك عبر
يدك حجر في وجه أضدادي
يا تكون ..
ڨمرة ليلة ظلام داهم
و الروح ملكك و القلب ليك صاغر
يا تكون
حجة
للهفة انفاسك نترجى
نصلي ببوسة ليك و نعرف ربي بخطوايك
يا تكون
جنة ...
شفايفك خمر
بدنك حروف عجم
و اني بايت فيك نتهجى
نشتهى سحرك و اني بكمالك نتمنى
يا تكون ..
شمس ولا تكون حتى شمعة
المفيد نور يضوي هالظلمة..
يا تكون ..
آخر الكاس
نجمة تلالي في أرض نحاس
يا تكون
نغرة العيون
و دقة هالڨلب الي بيك مفتون
يا تكون
مرايتي
ڨجري الي نخبي فيه حكاياتي
يا تكون
درة
حبقة
زهرة في وسط صحرا
يا تكون
انت و أنا
و ثالثنا خيالنا
و موش مني
منك أنت و ضحكتك
بسمتك و نغرتك
المحبة الي فيك
و دلالك الي راسم خديك
و يا تكون ...
أصلي
قوتي و ضعفي
و اسمك بشرى بعد حزن ڨديييم
حنين لبلد بعيييد
دمعة حيارى تتوارى
و يا تكون ..
فيك الأمل مرهون
و يا تكون ..
ميزان هالكون
و يا تكون ..
فوڨ ،فوڨ السماء
و أقرب من وريد العروڨ
و يا تكون ..
وليفي بعد البعد و الرجى
و يا تكون دمعة فرح
بعد سنين الجمر الكثير
و يا تكون حبيب الڨلب
ولا سافر عن هالروح
و روح لمنافيك ..
و يا تكون ..
رفيڨ الوغى ولا روح لمنافيك
و يا تكون ...
إيمان السوداني
Website Design Brisbane
Tags: