البارح حسيت جروحي ماشية و تكبر, دموع  و غصة تخنق... دنيا كحلة مضويها كان ربي ..

في عز أحزاني غنيت "علاش تحير فيا" سرحت نغني لين طابت الوجيعة .. و قمت اليوم على أمل كل يوم .. جات العين في العين , برشا كلام و شوي ملام أما برشا حنانة  و مودة ..

نسيت إلي كان و ضحكت برغم كل شيء .. النفس ردلي روحي,  لمعة عينيه عطاتني نفس جديد عطاتني برشا صبر ..

لمسة يديه نحاتلي تفشة من قلبي و زادت محبتي ليه ... هو سمايا إلي فيها نطير و نجنح ... هو القمرة إلي تضويلي  ليلي و تزينلي دنيتي .. هو أحلى  دنيا هو  ربيعي و صيفي و شتايا .. هو الروح وين مانروح.. بإختصار هو كل حاجة حلوة في ضحكتي .. هو الفرحة ألي قول علبا أول مرة نراها