آني هكا

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Ines Chtioui - إيناس الشتيوي

ساعات كلامي ما ليه فايدة ...

تخمامي ما ليه فايدة ...

سكوتي زاده ما منو نتيجة ...

ساعات الكلام يكون عالة على الغير ...

ساعات كلامي إلي يعكس تخمامي ما يعجبش ...

محسوب أكلي أني و أنت كيف كيف ؟؟؟

كلامي مش صعيب عليك ... مش بعيد عليك ...

لكن آني بنيا وراها أم رباتها و بو كبرها و خلاها تحترم تربيتو ..

تعرف حدودها وين تاقف ! تعرف العيب و الحرام !

تربينا في قطن ما شراتو والدينا كان ما حفات ساقيهم على خاطرنا ..

تربينا على طاعتهم وعلى هزان الحمل معاهم و على ماخذت الخاطر مهما كان فيهم العوج ...

موش باش ليوم نجي نطيحلهم كارهم و كلمتهم ..

مش باش تجي تقلي إنتي مخك مسكر و معقدة ..

كان عيب إني نوعيك و نقلك كلامك عيب وقت منراك تعديت حدودك يولي كلاميما ليه فايدة ...

خسارة وقت و تكسير كرايم ...

والمعزة فيها ماخذت الخاطر مهما صار..

أما فيبالك إلي سكوتي موش باهي ؟

خاطر كان سكتت على حاجة ما تعجبش يدل على إنو ما يهمنيش أمرك

خاطر كان سكتت على حاجة ما تعجبش يعني ما عادش نرتاحلك و ما تخصنيش فرحتك و همومك ..

أنتي بكلك ما تساويش تصويرة في كتابي ...

مانيش كيما إلي تعرفهم ! آني هي آني ما نتبدلش تمشي ليوم و ترجعش بعد سنين تلقى الطبيعة هي هي ...

لبلادة هي هي و التفدليكة هي ساس كل ضحكة كانت ماغير تخمام ...

عادي باش نكونو مختلفين لكن ما تنساش إسمي هو إيناس و إنت إسمك بالطبيعة مش كيفي

و حتى كان تشابهو الأسامي و إلا تشبهلي في و حاجة أعرف راك ماكش كيفي و مانيش كيفك ...

و ما تنساش أحلى حاجة هي الإختلاف ,,

تي بربي خلينا متخالفين آش خير من هكا ;)

آني تربيت على ثيقة الوالدين ... و على الصعب و على "إكبس تلقى ما تحل " و معاك كان ريتني ضحكت راهي باينة الضحكة إلي من القلب

و الضحكة إلي إنافق فيك بيها و الحمد ديما القلب صافي و المخ مرتاح ...

و على فكرة هذا كلام و خطر في بالي كيف العادة ماهوش لحد معين

بقلم إيناس الشتيوي

Tags: