مسكينة بلادي ...

مابين زوز كل واحد يفرض ف روحو بفضايح غيرو

هذا يحب مناضرة و هو حتى روحو ما هناش عليها

تي 3  سنين يهرَّج علينا , ناقص في كل شيء و قد ما زينو فيه اللطف لا شيء واتاه

مخو صغير و كل شيء بان بالكاشف في الأعوام الأخيرة...

و لاخر ما شاء الله ربي يزيدو في العمر أما بلي هو كبير ياسر مش باش ينجم يتحمل

بحكم عمرو لكن هذا ما يدلش إلي هو ناقص في مخو بالعكس

عندو من المخ و الذكاء و الدهاء ما يكفي و ما يفيد و يظر هل البلاد...

مسكينة بلادي إلا هذا يجبد لروحو بكلهم يجيو بوعودهم لكن آش من وعود !

وعود الهانة و رقاد الجبانة بكلو كذب بكلو تزفليت...

نراو و نسمعو في الأخبار في الشارع مقسم بين إثنين

هاكا يعيط مرزوقي و لاخر الباجي الباجي ! يح شيء يوقف المخ...

الناس تجري و تجري تتعارك على خاطر واحد ينجم يولي رئيس كيما ينجم ما يوليش !

نساو إلي بلادنا كي يحكمها هذا كيما يحكمها لاخر !

بكلهم من الأول كي القطاطس يتمسكنو و ساعات يوريونا عضلاتهم تقول  أكباش يلعبو في طيَّح سيَّب  إلي يطيح على الآخر هو إلي يربح ..و أحنا المواطنين ولينا كي أك الجمهور إلي يتفرج و يروَّح

نساو إلي أحنا في تبعية في كل شيء و إلي أمريكا هي إلي تحكم في ها البيادق إي باش تشد كرسي السلطة اللعين !!

نسيتو يا ناس إلي ريق الديمقراطية هو فقط قشور يغشو فيك و فيا يا ولد/بنت بلادي !

أيا مالا كان نسيتو هوكا فكرتكم ;)