جوجمة...
هاربة..
من حس مخي و حكياتو...
من عذاب قلبي و وجيعاتو...
هاربة...
للجوجمة لبرانية..
فماش ما يسكت مخي شوية..
و ينسي الحرب الدخلانية..
هاربة..
مني عليا...
من وقتي و زماني..

من الهم الي داير بيا...
برشا حس..
تحول لسكات..
و حبس بيا الوقت...
و تفسخ لمكان..
و تحل لمخبل في كبّة..
اش هالكبّة..
وقتاش باش ننسى..
حتي لوقتاش..
الوقت خذا و ما عطاش..
قد ما كلينا كفوف القلب باقي ما ترباش..
كيفاش..
باش يتربي و هو اعمي و لحقيقة ما شافهاش..
علاش باش يشوف..
الخنار مكشوف...
لوجيعة بنينة..
غناية حزينة..
عينين ذابلين..
اللحن حزين...
نقطة..
وَفات لحكاية في سطرين..