ساعات تحس روحك وحدك في ظلام بكلو ليل ! من غير نجوم و لا وحوش ! ظلام بكلو غربة مهما كانو بيك صحابك و احبابك قراب ليك !

في عز النور تحس الوحشة ضوء كلو عتمة كلو كلام فارغ ! كلو عينين دامعة و قلوب مظلومة ! تستنى في رحمة ربي و عدالة الاقدار !! أووووف من الصبر ! صبري كي صبر العصفور الي نتفولو ريشو و شواوه على نار كانون زاهر !

عينيك ترى في النهار و ضووّ و قلبك و عقلك يراو في نور الظلام إلى مافيه حتى نجمة تقلك راني معاك !! آش فايدتكم كان العين بكات و مالقاتكم ! و شنوا ذنب الروح المحتارة ! كلام يوجع و مافيه حتى امل ! نعرف لكن النور بالنسبة ليا هو في انك تصطاد النور من عز ظلامك و تكبر التصويرة و تختارما بين أثنين: يا تحلي حياتك بأي حاجة تتخيلها و تحب توصللها يا تبقى في الظلام للعنكوش و تموت كي الأموش المهمل الي حياتو و موتو سيّان !