قداش يا امي من مرة باش نحكيلك ونعاود الي حبي ليك حكاية عميقة متوفاش ..قداش من لحظة معاك و تبسيمة الصباح وضحكة مزيانة منسيتهاش...قداش من ذكرى حلواا جمعتنا مع بعضنا ما محيتهاش.. قداش باش نقعد نجبد في هاكا الخبابل المتخبية...بالفرحة والذكرى البنينة معبية..مرسومة في قاع قلبي وموجودة في وسط فكري ...

حكايات و برشا محبة لميتهم و رسمتهم ليك مع عينيك وبرائتك الي حبيتها فيك.. رسمتهم مع خيالك المزيان وقدك الفتان ..قداش باش نكتب عليك من العشق والحب ..كي نغزر لعينيك ننسى التعب ..كي نعنقك بالقوي ننسى اني روح..نغوص في داخلك وفي ترانكك وبصوتك نبوح..انت وردتي المزروعة وسط قلبي بنجاحي نسقيك ونرويك ونغطيك ونزيد ندفيك ...

انت حورية بحر صافية طاهرة ..انت جوهرة تلمع ظاهرة ...انت عصفور حر طاير ..للفرحة والامل زاير ..انت تفاحة فواحة ..انت النفس الي بيه نعيش ونحلم ...انت على خاترك باش نبقى انا خاتر انا منجمش نعيش من تبسيمتك الي تضحكلي ودعواتك الي متفارقني...وعينيك الي قتلتني ...وقوتك الي مقوتني ..وشجاعتك الي مسلحتني ..يا امي راهو كل شيئ فيك سمح .. راني نتذكروا ونحيرواو في مخي بالرمح ..نتذكر في حكايتك الي متوفاش ..ونتذكر في البعد عليك الي منجماش ومنذوقاش ..و فراقك الي منقداش... وحب ليك الي ميتمحاش ..وكل يوم نحبك فيه ونزيد نحبك فيه واذا فما كلمة اقوى من كلمة نحبك نحبك !!!