Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
نحبك
Ghada Tawes - غادة طاوسنحبك كي تنهيدت الطفل
كي علو الجبل
كي الشعر المدهون بالطفل
كي كلام الناس اللي علينا كثر
و كي النوار اللي في الربيع كبر
و كي أيوب اللي عالبلا صبر
نحبك كي ديار البايات
و المدينة العربي و الزقاقات
و موسيقة الحفلات
و جو الرحلات
نحبك كيما العينين الزرق
و العين كي تضرب في القمرة تلق
نحبك كي الكيسان الكريستال
نحبك كي الريشة و الحبار
و ريحة النوار
و حكاياتنا و أحنا صغار
نتمناو نوليو كبار
و نعيشوا أحرار
نحبك كي أيامات الثورة
و العينين المحوقة
و شربتك المفورة
و سنيك المسوسة
نحبك كي خرافات الجدود
و ضغرنا و هدان الهدود
و حلمتنا باش نشقوا الحدود
نحبك كيما اللغة العربية و أدواتها
و الناسخ أصبح و أخواتها
تعرفني مانحبش الناسخ كان و الماضي
نعيش اللحظة بحلوها و مرها و مانغزرش لتالي ...
نحبك كيما تعسيلة في الصيف
و كاس تاي يعمل الكيف
و كبوط أكحل نعدي بيه الخريف
نحبك كيما مرا أمازيغية
بالملية و الحمير
و العصابة عالجبين
و الوشمة اللي عالوجه و اليدين ..
نحبك
غادة طاوس
Website Design Brisbane
Tags: