Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

زعمة علاش ؟

questions-sans-responseGhada Tawes - غادة طاوس

ما نعرفش علاش نحكي هكا

و علاش المرة هاذي باش نتكى

يمكن خاتر حكايتي طويلة

لازمها وسع بال

و تنهيدة كبيرة

يكمن خاتر عمري تسرق مني في لحظة

و فقت توا بعد ما بدني تملا بالمرضة

يمكن خاتر عرفت اللي أنا ماعادش أنا

واللي انت معادش تسكن حذانا

و اللي عينيك الحلوين

ذبالو

و اللي سنيك البيض صفارو

و شفايفك الحمر

زراقو

و كلامك اللي يسحر

ماعادش يسحر ...


ما نعرفش علاش نحكي هكا

و علاش ظهرلي الليلة باش نكتب عليك

مانعرفش توا تقرا في كلامي  

و لا كالعادة القراية خاطيك


ما نعرفش علاش احنا ماعادش كيما قبل

و علاش حبنا ولا " كان " و " صار "  و " حصل "

و اللي حلمتنا تدفنت في الحفر

و تغطات بالتراب و الرمل

و نبتت وردة حمرا

ريحتها فايحة توصل للقمرة


ما نعرفش علاش كل ما نراها نتذكرك ..

و نقول وينو شبيه ما جاش .. زعمة علاش ؟

غادة طاوس
زعمة علاش ؟