احكيلي كيفاش يتعدى نهارك ..حدثني وخبرني على اخبارك ....صارحني وقلي على خنارك..

شرايك في قهيوة عربي وسط البلاد ، بعيد على الخوظة و عينين العباد ..نحب نفرغ شكاير الكلام الي عندي ليك ..نحب نموت فيك ..نفنى عليك ..

اقعد خبرني على تراكن قلبك الضلام ..خبرني على دموعك وجروحك ولي تقال عليك حرام ..اقعد نحبك بسلام ..اقعد نحبك بالفعل موش بالكلام

خلينى نهربو لبعيد وحبنا يقوى من جديد ..

قداه باش نكتب ونتحدث عليك ..قداه باش نبقى نوصف فيك ..وفي خضرة عينيك وولمعة خديك..ضحكة سنيك ..وعقلي ما نسيك ...قداش باش نقول انحبك ونغوص مع تفاصيلك الحزينة وعينيك الي مخبين دموع وحرقة ودفينة ..وقلبك الي يغلي وباش يتطرشق من الغبينة ..نحبك رغم الخوظة الي داخلك ساكنتك ..نحبك رغم الندوب الي حاصرتك...نحبك بكلك بفرحك وبطفولتك وبحرقتك الي ساجنتك ..نحبك ونفنى عليك ونفدي عمري ليك ...