كل شي في أمي جنة ..

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Ines Hammami - إيناس همامي

كل شي في أمي جنة ..

ضحكتها .. قحرتها .. صوتها .. سكاتها

حتى جبدة الوذنين و الكف إلي يحمّر الخدّين

وجودها إلي محلي الدار ..

دعواتها إلي من غيرهم ما يكملش النهار.

البوسة إلي كي نمرض بيها تداويني ..

همومي إلي توفى كي في حضنها تخبيني ..

الجنة مش كان تحت ساقيها ...

الجنة ما بين يديها ..

الجنة في الضحكة على خدّيها..

في نظرة من عينيها ...

في كل حاجة فيها .

الجنة .. كي نادي يا أمي ،

نلقاها و بنعم تجاوبني.

في وجودها جنبي ..

باش في كل خطوة تساندني..

كل ما نكبر نزيد نتعلق بيها

حتى شمس نهاري ما تشرقش مالسماء ..

شمسي تضوي من عينيها ..

فرحتي مزروعة في الخطوط

الّي مصورة على كفوف يديها ..

حتى الدنيا بالخايب اللي فيها .. جنة .

احلى جنة .. خاطر أمي فيها ..

إيناس همامي

Website Design Brisbane

Tags: