Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
أنا مأمنة بيك
Ines Hammami - إيناس هماميانا مش نحبك كهوا
انا ممنة بيك
نعبدك عبادة
نكبر لصلاتي في محراب عينيك
و نصلي بالفاتحة و سورة من حبي ليك
انا منك و فيك
انا من غيرك
بيت شعر بلا قافية
شمعة طافية
ساق في البرد حافية
انا تعلمت نحب الدنيا علي يديك
تعلمت نكتبك قصيدة و نغنيك
انا معاك تعلمت نتفس فرحة مع الهواء
نحوز تركينة من السماء
نرمي النجوم و القمر
و نضويها بعينيك
انا نحب نهرب من الدنيا و نجيك
نتخبى فيك . نعيش بيك
نموت و نحيا في جواجيك
نحب نتزرع في قلبك جنينة
نتنفسك عشقة بنينة ..
نعيّشك ليالي زينة
انا حبيت الدنيا ملي عشتها معاك
حبيت اكا النجمة البعيدة اللي سميتها بإسمي
وقت قتلي اللي كان انا نضوي في سماك ..
نحب معاك نكمل الحلمة
نسرقو في الظلمة نجمة
نحبك تقرى في سكاتي الكلمة
نهرب معك و نتبعو النسمة
نحبك تكون دليلي كي نضيع و ما نلقى وين نشب
و كي تضيق بيا الدنيا تكون فرحة على جبيني تتكتب
نحبك تحبني ..
نحبك تثقل موازيني بالحب ..
نحب نحبك و نزيد نحبك و نزيد نحب ..
إيناس همامي
Website Design Brisbane
Tags: