Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
شاهية نحبك كيما يحلالي..
Ines Hammami - إيناس هماميشاهية
تكونلك اغلي ما ليك
نعيش حياتي بيك
نضيع مني و نلقاني فيك
شاهية
نترسم ضحكة على خديك
نلمع فرحة من عينيك
نكون البخت المصور في
خطوط يديك
شاهية
بحرارة روحي ندفيك في البرد
نفرشلك قليك بالنوار و بالورد
و نكتبلك بدقاتو حكاية
مليانة وصف و سرد
نحكيلك فيها عليك
وانا نغنيلك
اش السر اللي فيك
خلاني نموت عليك
شاهية
نسّكن شمسي فيك
و تضوي بيا كالقمرة من عينيك
شاهية تكون انتي الصدفة الحلوة في حياتي
الكلمة الي علي فمي و قت نحشم و يغلبني سكاتي
و شاهيتك تغنيلي بعدما تلحنلي بضحتك كلماتي
شاهية
نعيشك ايام ماتتنساش
نكون شمعتك اللي ما تطفاش
فرحتك اللي ما توفاش
شاهية
نزينلنك بألواني ايامك
تاخد بيدك و نعاونك تحقق احلامك
نلقالك الحل لحيرتك و تخمامك
شاهية
نعيش على هواك
نبدي و نفنى معاك
و نكون النجمة الوحيدة في سماك
شاهية
نبدا معاك حياة جديدة
نسرق من الدنيا
و نزيد في عمرنا مديدة
نملاوها لكل ليالي سعيدة
شاهية
نلقاك ديما بجنبي
نسمعك تدق قي قلبي
و تحكيلي
تكتبلي
تخرفلي
تغنيلي
شاهية
نسكنك فيا
و نري روحي بيك احلي بنية
شاهية
نحبك كيما يخطرلي في بالي
بعقلي و هبالي
نسهرك معايا ليالي
نغرقك في دلالي
تكون جناحي
و نطير بيك لعالي
شاهية نحبك
نحبك كيفما يحلالي
إيناس همامي
Website Design Brisbane
Tags: