Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

في برشا أوقات..

femme-quitte-toutAynes Chtioui - أيناس الشتيوي

في برشا أوقات حتى النفس يوجع ؟ تبدا ماكش تخمم في شيء ،ما تحس بشيء، ما تحسّش حتى بروحك و بوجودك؟ تجيك أوقات ما تحب ترى و لا تسمع شيء .. ما تشوف شيء .

تحس الّي لا رافعتك سماء و لا أرض .. ما عادش عينك باش تعيش، ما عادش عندك النفس باش تكمّل .. ... و الحاجات و الناس الي حبيتهم الكل كرهتهم و ما عاد يعنيولك شيء؟

تجيك أوقات تحب تخلي فيها الدّنيا الكل و تهرب، و ماعادش ترجع؟ و تحاول تتفكر اي حاجة باهية صارت في حياتك .. و تتبسم تبسيمة باردة .. تتمنيك بيها على روحك و ع الدّنيا ، ع القدر الّي لعب بيك كيما حب . و تهبط الدّمعة .. تغرق فيها و تتفكر الباهي و الخايب تتفكر كل شيء .. و تولّي تضحك. و يشدك كريز ضحك .. و ما تعرفش روحك تضحك فرحان والا مالوجيعة ... أما تكمل تضحك و تتفكر الي كيما صارتلك حاجات خايبة، صارتلك حاجات باهية حتى كان بسيطة أما فرحتك .. و تتذكر ناس متوحشهم و ما تنجمش تتكلم.. و تعاود تتبسم التبسيمة الباردة

و اليوم تحب تبكي خاطر قالو بعد ما تبكي تتفرهد .. أما جيت نبكي دموعي هربو عليا .. ههه حتى هوما جبدو بيا ...

ننسى و نقول عادي .. نطيح ديما و نتجرح أما منخلي حد يراني ضعيفة خترني نقوم أقوى من البارح ..أما المشكل إلي معاش نحس كي قبل..

"ديما نستنى أش باش توريني الدنيامن جديدها .. أما تعرفو حاجة ندور ندور و نتفكر إلي حكايتي آني و الناس الي دايرين بيّا كيف حكاية البهيم الي طعطيه وردة." تي لا علينا

بقلم أيناس الشتيوي

في برشا أوقات..