بشنوا حلمت ليلتها ؟

ليلتها حلمت بروحي فرحانة، غشير صغير يلعب وسط الدار ..نلعب مع الاولاد وناسي وهموم ومشاكل العباد ..حسيت بروحي طاير وسط الغابات حاير ..وقتها غزالة ريتها بزينها حبيتها وبغزرة عينيها شديتها ..سلمت عليها وزدت حبيتها ونسيت بيها سنين تعدات ..

وقتها شوقي ليها خبيت ..وفي عينيها وقلبها زدت حبيت ..تعلقت بتفاصيلها وحسيت ..

حسيت اني نحلم معاها ونبنيو في رويات وبرشا حكايات..حكايات كتبناهم مع بعضنا مع مرور الايامات والسنين الي مشات ..حلمت بلحظات سرقتهم مني الحياة ..

عشنا معاهم وكتبناهم على ظهورنا سنين وسنين ...نتذكروهم كي ننساو رواحنا ..نجبدوهم ونجبد معاهم خبابل منسبة في القلب موجودة وفي العقل مرسوغة ..راسخة غادي اما محمولة بين السنين ..مكتوبة على الجبين ..مكتوبة في غزرة العنين تتحكى بين الحين والحين ..تتحكى مع مطر الشتاء يهز معاه الدموع والبكاء والتعب والبكاء ..كلام وروايات على الحياة تتروى بصوت قوي ..قوة الحديد الخالي من الصديد ...