باهي حبيك !؟
اي حبيتك وبرشا زادة ..حبيت عينيك وزين خديك ولمعة سنيك .. حبيتك بتفاصيلك وبكلك ..
حبيتك وعفست على قلبي وجيتك نجري بجوانحي طاير ..
حبيتك اي
وحبيت روحي فيك ..
تعرف حاجة !!
كي نشوفك نحس بفرحة لداخل تزرعت فيا وتغرست بين جواجي ! ومنعرفش السبب ..
حبيتك !؟ اي وعشقت كلك وحزنك ووجيعتك !؟ لين غرقت فيك وما لقيت فلوكة باش نرجع !؟ قعدت نعوم فيك من داخل .. واكتشفت اني دخلت للغريق ومنيش فايقة !؟ .
حبيتك اي 

حبيتك غريقك الي كان غاارق وتوجعت منه ياخي تغبططت وحاولت نعوم فيه بكلي ونعرف نعوم ياخي موجتك تحب تهزني.. وتقظي عليا ؟؟؟
حبيتك اي
يا ريت ما عملت ها لعملة !؟ مخيبك ومخيبك سمايلك !؟ واشكرهتك ومضبيا تموت !؟ باش نقتل روحي فيك !!!
حبيتك اي !؟
ودخلت فيا موس ماضي وقعدت تلعب بيه في قلبي !!!
فيبالك الي انا تعذبت وتحرقت بنارك !!!
فيبالك الي انا تشويت بخيالك !!!
فيبالك الي انا هملت روحي وبعدت على الغالي على جالك !!
يا سيد !! يا معشوق !!! راك عذبتني يزي !!! كرهتني في روحي يزي .. قتلتني يزي .. جرحتني يزي ..وجعتني يزي .. حطتمني يزي .. ذبحتني يزي .. دمرتني يزي .. كسرت قلبي يزي .. ...
يزي يزي يزي يزي !!!
حبيتك اي ! وعشقت روحك !!
اما توا كرهتك وبعدت روحك !!!
كرهتك اي وكرهت روحي الي زرعتها فيك !؟ ومخيبو الحب معاك !!!
انت مكش متاع حب ! ولا متاع رومنسية انت متاع حية تلحسك بلسانها وتخليك يااابس !!!
انت متحبش العاقل انت !!! وانت !!!
حبيتك اي وزادة كرهتك وبخرت بدمك !!!؟
يزي منك ! ويزي مني ! ويزي من الحب !؟ والا قول يزي بلا تعب !وجيعة راااس وتحكحيك وجرب !!!
الحزن عملته حب وحبيتو .. عملت منه معشوق وفيا عشق لقلبي شق ! وروحي شهق وكبس عليا وخنق !!!
لين النفس تسد والدموع والدم جمد !!!
تعبت مني و منك ومن روحي الي زرعتها فيك وقعدت بلاش روح ..جثة تتحرك ..تتنفس وتحب فيك !!!
قشرة تحب فيك وتبكي عليك وتعشق في عينيك وانت ما علابالك بيا .. يعطيك كية حرقة وشية !!!! كيما تشويت وبكيت !!!!
ربي في الوجود !
احبك ..
كي نقولك نحبك معنتها نعشقك ونعشق تفاصيلك ..نعشق ذاتك وربك .. نحبك معنتها نغوص فيك لداخل ونعوم في بحر قلبك...
وحبيت نقولك إلي الحب !:
اخترت أن أحبك بصمت،،،،،،،،
ففي صمتي، لا أجد رفضا،،،،،،،،،..
اخترت أن أحبك في وحدتي،،،،،،،،،،،
ففي وحدتي، لا أحد يمتلكك غيري .،،،،،
اخترت أن أشتاقك عن بعد،،،،،،،،
لأن المسافة تحمينا من الألم ..،،،،
اخترت ان اسجنك في أفكاري،،،،،،،،
لأن في أفكاري لدي حرية القرار ..،،،،،،
اخترت أن أحملك في أحلامي،،،،،،،،،،،،،،،،،،،،،،،
ففي أحلامي، لا توجد نهاية لك،،،،،،،،،،،،،،،،،،،،،،،،،