Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

عشرة عمر #17

zaineb-s-infidelite-romanZaineb S. - زينب س

بدا لوحم ،صار فيا ،الطبيب قالي ياسر فارغة لا حديد لا فيتامين و زادو رقدوني فالسبيطار ،عندي تواما مش راكحين

-تواما ،تواما يا هارون
-اي عاد شبيه غالية مرحبا بيهم

-يا ربي كيفاش بش نربيوهم احنا بواحد و نخممو

نطقت امي :
-يا بنيتي حط ربي في بالك ناس تتمنى فيهم ،في عوض تحمد ربي تتشكى

-بربي خليوني مش حاسين باللي حاسة بيه ،خربولي يدي بالتحاليل

ميما غالية :

-بنات توا شكون يفهمكم ،احنا قبل نجيبو بال 10 و 11 هذا غير اللي يموت

نهار لكل فاشلة و راقدة هملت داري لا نطيب لا لاهية بالدار الطبيب قالي لازمك ديما راقدة على ضهرك و انا عجبتني لحكاية ،كنت طفلة صغيرة ما عنديش خبرة برشا فالدنيا ،هارةن هو اللي حليت عليه عينيا ،يروح مالخدمة يتعدا للكوجينة يغسل الماعون ،يفرغ الماكلة اللي جايبها معاه مالشارع حاضرة ،يجيبهالي للفرش اللي يلقاه كيما خلاه ،ناكل و نقوم نجري لتوالات بش نرجع اللي كليتو لكل ،يجري ورايا يبدا خايف كيف لوليد الصغير ما يفهمش شنوة يعملي تعب برشا معايا فالوحم

فديت روحي طلعت نهار لكل وحدي فالدار شادة لفرش لا دخول لا خروج ساعات تجي بحذايا امي ..

فالليل يجيني هارون هارون يحملني من تالي يبدا يبوس فيا نتململ انحيلو يديه

-اييه هارون فاش تعمل امان

-شبيك غالية متوحشك والله

-اي انا تاعبة راسي رزين خليني نرقد امان

يتصدم يوخر يبعد يديه

-غالية ما عينكش انتي ما توحشتنيش ؟؟

-متوحشتك اما تاعبة ،ياخي شبيك اناني ما تحسش بيا

ينطر لغطاء يهز روحو و يخرج يتكيف

تعاودت لحكاية مرة و ثنين و ثلاثة كرهت العلاقة بيناتنا ما فهمتش علاش ولينا فالشهر مرة مرتين و هو يسايس فيا و انا نعدي جمعة فالدار و جمعة راقدة عند الطبيب .....


زينب س.

عشرة عمر #17