الحب هو وردة ورقاتها حمر اما بشكوك وتذوق المر .. هو عصفور طاير اما جانحاتو مكسورة مجبورة . هو طفل صغير فقد امو في الحرب ..قعد بجنبها يبكي فراقها ..الحب هو القدس الحبيبة .. هو فلسطين العزيزة ..هو اتحاد الالوان وتجانسها هو الابيض والاكحل ....

الحب هو دم الشهداء والابرياء والعظماء فداو رواحهم للوطن ومحبتوا المسكونة داخلهم تتغلل... الحب هو صغر ضايع في متاهات الحياة ...هو مراهق يتخبط مع طيات الزمن والاهات... هو كتاب طويل اما موضوعوا حزين...هو خاطرة عميقة تحكي على جهاد مناضل صغير ..الحب هو غشير ضيع كرهبتوا وسط الماء ولحق عليها باش يجيبها ..مشاء منغير ما يرجع.. .

هو مرأة تونسية عدات عمرها تتغبط وسط سنين من العذاب...الحب هو انسان ضايع وسط العباد ...الحب هو نوارة متفتحة مزروعة وسط الخراب ... هو مرأة عاهرة تتحدث انها نقية وعفيفة..شريفة واخلاقها لطيفة .. ... الحب هو دار بلا إمالي ..هو ظيعة صغيرة اما حلوة ...هو كراسة ذكريات اما معبيا وسطها مقبرة ممات ...الحب هو فرحة وضحكة اما جريمة ...الحب هو شيخ كبير وسط قبيلة ...هو سرطان اما يقولوا عليه انو يداوى ومولاه يتعافى ...هو مرأة يحكو عليها العباد الزين والعين والقد ..اما هي متخبية وراء قناع وسطو ندوب قلبها المجروح .والمكسور واعوام الكد ....الحب هو كلمة قصيرة اما معانيها كبيرة... هو قلم اما يكتب كان الهم ... الحب هو شكاير ودباير من الكلام الباهي معجون بالخايب..هو كيما تحدثوا انو حاجة حلوة اما مطعمها قارس ..هو ذهب خالص...هو مطر غزيرة في عز مارس..

الحب ينجم يكون حب النفس والتصالح معاها ..وكي تحب روحك تحب دنيا وتقبلها رغم انيابها الحادة ..تحب روحك معنتها ترى كل شيئ وردي .. تتغاضى علي ضحكلك في وجهك وخبشك في ضهرك ..علي سبك جهار بهار وقعد تتفكر في الغناار ..على الكلام متاعهم المزروع وسط الدار ..كي تحب تنسى الماضي ..كل شيئ يأثر في شخصيتك ..ريحة الزهر والعطرشية وريحة قشور البردقان..والقهوى والفنجان.. كي تحب قلبك باش يتفرهد ويكسر الحاجز باش يدخل الضوء لضلام الداخل..باش يشيح النداء والبكاء ..يقرقش الكلام والسلام ..الحب كيما باش ناحكو عليه مع شخصيات عاشتوا وتتمرست في اصلوا ...