ما عندي كلام و لا ملام.. لا قلب مدغدس و لا غصة في البال!

عندي كان الفرحة في القلب و محبة الناس

ما عندي علاش نبكي! لغالين دايرين بيا هما سرّ الفرح هوما  سر الدنيا و ما فيها..

كي نراهم تاعبين نموت و كي نرى هاك العينين راضية نطير بالفرحة و ما نظهّرش

أصواتهم , ضحكتهم , تنهيدتهم تي حتّى عركتهم تفرحني

المهم وجودهم ف كل أحوالي ... هوما سمايا كي نبدأ صافية راهي سمايا صافية

و كي نبدأ مشوشة راهي سمايا مغيمة كي نضحك سمايا الغيوم نساتها هههه أحوالي مع طقسهم تتبدل تحلى و تخياب...

شعندي نقول غير ربي يحميلي سمايا و يصونها ليا و الله لا يشويني في نور عيوني

إلي يقرالي راهو مفهمش على شكون نحكي !  نحكي على الغالي و الغالية على إلي ربّاو و كبرو

أمي و بابا حلاوة حياتي و سر وجودي

نحبكم

بقلم نوستكم إلي مونستكم