سمعتهم يحكيو على التعب و الشقاء قلت خلات ..

هاذم في الهم للعنكوش , جيت نشوف في الحكاية بقيت نضحك.. ناس قبل قالو :"كثر الهم يضحّك"!

تراهم حاجة أما حقيقتهم شيء كبير ! شيء يعقد و الله.. يتمسكنو لين يتمكنو..

اليوم يبكيو و كي توقف معاهم اليوم يعفسو فيك غدوة ..

العيب مش فيك أما فيهم خاطرهم مرضى و ماليهمش دواء ..

أما قد مايعملو عمرهم ما ينجمو يرقدو مرتاحين,

يبقاو يسهلو في أرواحهم و في الناس الدايرة بيهم أما مينجموش يرتاحو من كثرة التخمام و من عمايلهم ...

و ما يعرفوش إلي راحة البال و القلب الأبيض إلي ما يحسد حد و ما يفك لحد و يعاون الناس الكل و ما يحسبش معاكم و مايستناش منكم شيء و كي يعاون مش يستنى في المقابل كيفكم ..

هاذي حاجة مربوطة بالتربية و الأساس إلي تكونت فيه .. مربوط بينا و كيفاش نحبو رواحنا نكونو !!

الراحة تبدأ من غادي .. من نظافة عقل و قلب العبد و من طريقة التصرف متاعو مع الناس.

و في اللخر نحب نقول ,إتقو مولاكم   راهو الدنيا فيها الموت ...  و كما تُّدين تدان :)