Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
الوصايا
Nabil Dabbous - نَبِيلْ دَبُّوسْدقِّيت فالباب ... قالوا شكون ؟!؟
قلت ... أنآيا !!
قالوا ... شكون نتايا !!
قلت ... فلان مول العباية !!
فتحوا الباب عندي ليكم وصاية !!
... ديرو بالكم معايا !!
لا يغركم زين الوجه في المرايا !!
لي ينفع هو زين القلوب وصفاء النوايا !!
عنداكم تمشيو فهاد الزمن ضحايا !!
يدور الزمان وتندمو وتولِّيو شفايا !!
يضحك عليكم هذا وهذاك وترجعو قصة ورواية !!
الرجلة ماشي هي التدخين !!
كل ساعة تعمّْر الطفَّاية !!
فين غادي يا هاد الذرّي فين !!
تابع البنات هادي نسرين وهادي مايا !!
حافظ گاع الأغاني وأسماء اللاعبين !!
والعقل ما فيه حتى شي آية !!
ونتي يا البنت يا لي عرِّيتي الرجلين !!
بيّْنتي صدرك وحتى نتي لبستي صاية !!
باش هذا يقول ليك تبارك الله على الزين !!
وهذاك يقولك اجي ركبي حدايا !!
خرجتي الطريق وربحتي سخط الوالدين !!
شوهتي بينا ووطيحتي الرَّاية !!
الوالدين وصَّا عليهم الدِّين !!
والله قال راه رضاهم مع رضايا !!
كون رطب مع واليديك وحنين !!
والا نرضو تعامل معاهم بعناية !!
شي نهار يموتو ونصدقو نادمين !!
حتى يفوت الفوت عاد نفهمو الحكاية !!
نكونو اوفياء ونكونو مخلصين !!
ماشي بحال لي يضحك في وجهي ويهدر ورايا !!
و إلا كنتي أنت وشي حد مخاصمين !!
خلِّي أسرارو عندك وبلا ما دير بيهم دِعاية !!
القيامة قربت و أحنا مازالنا غافلين !!
كلشي ماشي لديك الدَّار حتى حد حد مايبقى هنايا !!
سامح وصافح راه كلنا راحلين !!
وقرا هاذي الوصايا مزيان وإلا مافهمتيش عاود القراية !!
نَبِيلْ دَبُّوسْ
Website Design Brisbane
Tags: