ساعات تحس العالم محلاه ... تقول والله ياسيدك ما كذبش إلي قال أضحك لدنيا تضحكلك ....

لكن ضمَّن إذا ضحكت اليوم راك غدوى باش تبكي .. باش نخلَّص حق ضحكة البارح ثاني و مثلَّث ..

كلامي هذا ماهواش تشاؤم .. لا لا .. كلامي واقع هاربين منو الناس الكل ..

دنيا صحيح تعطي كل واحد على قد جهدو .. ههه لكن  بارشا هوما إلي يطلعو على حساب جهد غيرهم !

كل واحد و همتو , كل واحد و تربيتو و كل واحد و أكتافو  و كل واحد واش دعات عليه والديه لكن زادا كل واحد و آش عطاه ربي ...

تعرفو ! ؟؟

خايب الظلم .. لما ترى وحدة و إلا واحد شهادتو أقل منك و يحكم فيك ..

بالأخص كي تكون  إنتي على حق و فاهم فاش تعمل و هو دخل من الباب خرج من الخوخة

ناس تتفخَّر بروحها و ناسين في يوم إلي هوما مهما تعلمو راهم ما راو شيء

و إلّي هاذم ناس مرضى مرضهم في التحكم بالناس لخرى و تعطيل مصالحهم  وقتلي نساو إلي :  أخلاقك الحقيقية تظهر في تعاملك مع خادمك " وليس مع رئيسك !!

..التكبُّر على الناس الأخرى مش باش يزيده مال و إلا سلطة

لا لا جملا ! و التكبُّر عاااد ما نحكيوش ... ! و يحب ديما يحقرك و يهمشك وقتلي هو ينجم يستفاد منك و تستفاد منو ...

وقتلي الناس إلي تتكبَّر إنتي عليهم اليوم غُّدوى كي تحتاجلهم باش يحقروك

باش يهمشوك كيما همَّشتهم و باش يطيحولك من قيمتك

و هنا التواضع هو أعدل حل ...  لا تتحل ياسر و لا تنقَّص من قيمتك .. كل شيء ليه حدود لا أكثر و لا أقل

لكن واقعنا المرير في تونس يعكس تخلُّف عقلي و معرفي و إجتماعي .. كل واحد يجبد لروحو

لا واحد يحب يكون خير منو ... إلا أقليَّات آني نحترمهم ياسر ... لكن البقية حدّث ولا حرج ...

يعلمو في القيم و هما إلّي لازمهم يتعلّمو !

كلامي مش يبدَّل شيء لكن لاعلينا ... حبيّت نفرغ قلبي