قد منحكي و نعبر و قد ما نكتب و نحرر

سطور و صفحات و كتب ندون  منوفيكش قدرك يا  اغلى من روحي يا احلى ما نكتب و نصور .

على حياة نحكي على روعة على مدرسة تكبر و تصون و تعلم

امي !؟ اجمل كلمة تتقال و تتصور

امي محلاها !!

محلا صوتك كي تغني كي تتكلم حتى كيف تسكت !! نفس متاعك يتكلم!

شمعناها دار من غير ام ?  تعني دار بلا روح ، بلاش فن بلا بال مطمان

بلاك نهار ! نضيع ! نهيل  ننسى  كيفاش نضحك ! و علاش ضحكت ! و همومي تزيد

انت الروح وين ما نروح! انت الي علمتني نفرح!! قويتني و شجعتني !!و على المر صبرتني! كبرت و في عين الناس كبرتني , انت سبب وجودي انت سر بهجتي

نهارت الي الناس الكل خاذلتني  ! انت عليتني , وسيتني و على سقيا من جديد وقفتني يا طبيبي يا جنتي يا احلى ما في دنيتي   ! قد ما خبيت عليك تحس فرحتي و تسمع صوتي قبل

ما تخرج شكوتي  !!

بعمري ما ننسى كيف نبدى انا في نومي غارق و انت سهرة و في همومي تخمي

كيف انا نمرض و انت الي تتألمي .

نسهر و نخرج و في عمر المراهقة و من كثر خوفك او لهوتك نصيح عليك  و نعيط, و ما نلقى غيرك ساهر يستنى و يفكر فيا و قبل المصيبة ما تصير حاسة بيا.

في وقت الشدة الناس الكل تبعد عليا و انت يا غالية كيف عادتك تبوس و تعنق فيا

بعمري ما ننسى الي باعت عمرها و شرات عمري, ضحات بصغرها باش تكبرني

حبيت عمري على خاطرك يا امي , خاطر  كان نموت نحشم من دمعة واحدة تهبط من عينك عليا