هو اعتراف حزين ولكن الحقيقة "ليس كل الإنتصارات العظيمة مفرحة
" مثلا نسيانك لصديق عمرك الذي خذلك ، تجاوزك لشخص کنت تحبه
جدة ، تترك حلم وتجري وراء حلم جديد كل هذي إنتصارات عظيمة ولكن
فعلا حزينة جدا

يظهرلي باش نقعد حزين لاخر عمري ...
تعبت وعييت وفديت ...دموعي معادش نجم نحبسهم ...طبيبتي منحبش نمشيلها ..وليت نتبنن في الوجيعة ..خاطر انا نستاهل اني انا انسان في المجتمع هذا ...
انسان بمعايير اخلاقة وقيم وسط الذيوبة ...
جربتو الشعور متاع الفقد ؟؟؟؟ الخذلان ..؟؟؟ الڨلب الموجوع ؟؟؟ والبدن الرزين ..كينو بو تليس راكبك ومڨعمز فوڨك ...
اما انا ڤعمزت عليا  اصحاب النفاق والرياء والكلاب !؟؟؟
خلينى توا حبيت نسالك !  

اخر جبدة من سيڨارو الهزيمة ذقت مطعمو ؟؟؟؟
اخر رمح غرسو فيك الحبيب حسيت بيه ؟؟؟؟
اخر دمعة من عينيك ذقت مطعمها ؟؟؟؟
اخر نقد او تنمر من حد حسيتها ؟؟؟؟
شنوا حسيت وقت خلاك الناس الكل وتخلو عليك ؟؟؟؟
شنوا حسيت كي فقدت الناس الي حبيتهم ومكبوكش ؟؟؟؟
كيفنهو احساس انك تقعد اخر المقعد ...
جربت تسكر تليفونك مدة وتقول توا يكلموني وميكلمك حد ؟؟؟؟
جاتش مرة ودموعك سبقاتك وبكيت وسط الناس و حد ممدلك العينة...ثما الي يخزر وثما الي يضحك وثما الي يسبك ويقول راجل ويبكي !؟؟؟؟ ااااه في بلادكم الكلبة الي يبكي معادش راجل ؟؟؟؟
شنيا شعورك كي تفقد حد ...
شربتش شعور تفقد امك ؟؟؟؟ اكا الوجيعة والحرقة الي تاكلك في قلبك ؟؟؟؟؟
شعور الاب كيفاش لونو وشنيا مطعمو ؟؟؟؟؟
احساس الخو شنوا هو وكيفاش يكون ؟؟؟؟ وهل انو خوك يحبك ؟؟؟؟ جربتش مرة تتمنى يولي عندك خو تقعد جنبو وتواسيه وتغطيه ومن فمك تعطيه ؟؟؟؟؟
حلمتش مرة تبات محمل خوك وتحس معاه بالامان

وجهي يرعش ولحيتي هايجة وفمي نتن بالسكاااات وليت ظلمة وكل يوم تموت مني حلمة ...

المدة لخرانية كرهت روحي وحبيتها في نفس الوقت ...وسؤالي لوقتاش باش تقعد وحدك هكا تعاني ونساتك الاغاني ومطلتش عليك الأماني ..
قهوة كحلة مرة مرارة العلقم والدفلة ...وام كلثوم تغني خليني ڨنبك خليني في حضن ألبك خبيني ..خليني ڨليني وسبني احلم سبني... وسبني احلم ..وسبني احلم ...

نومة مخلوظة وستيلو ورقة وحبار ...نحب نموت وننتحر يا ساتر ي ستار ...
حسيتش بروحك عبئ على حد ..؟؟؟
جاكش انسان على هيئة ملايكة ووثقت فيه وطلع أطحن منه مراتش عينيك ؟؟؟؟
تلفونك ينجم يقعد لشهور وميكلمك حد
وشبيك تحط في الهم على روحك ؟؟؟؟
شكون قالك يلوجو عليك والا يبحثو عليك كيما انت تفركس عليهم ...
شبي ڨلبي واجعني اخي الوجيعة قداش تقعد ؟؟؟؟

سمحني النار الي تاكل فيك وقتاه تخمد ؟؟؟ ..
اخي  العالم داخل بعضو والا انا داخل بعضي !؟.

بيت مسخة وصياح قبب في راسي وانا ساكت مبلج ...قلبي ينغل بالدود وعينيا محوقة وحمراء ...وضحكتي تكذب ...

لحظات الصغر يعذبو فيا وتفاصيل الحبيب الجافي تقتل في روحي وجفاء الاب يحرق فيا ...

قلبي ترضرص يزي متحطوليش لجام وبلج ...
نحب نخرج نعيط ونصيح ونحتج ...
متسرقوش صوتي مني ..
نحب نبكي ونفرح ونزيد نغني ...